آپ کی آنکھ اگر گلابی ہو گی میری سرکار بڑی سخت خرابی ہو گی || عبد الحمید عدم

 

آپ کی آنکھ اگر گلابی ہو گی

میری سرکار بڑی سخت خرابی ہو گی

 

محتسب نے ہی پڑھا ہو گا مقالہ پہلے

میری تقریر بہر حال جوابی ہو گی

 

آنکھ اٹھانے سے بھی پہلے  وہ ہوں گےغائب

کیا خبر تھی کہ انہیں اتنی شتابی ہو گی

 

ہر محبت کو سمجھتا ہے وہ ناول کا ورق

اس پری زاد کی تعلیم کتابی ہو گی

 

شیخ جی ہم تو جہنم کے پرندے ٹھہرے

آپ کے پاس تو فردوس کی چابی ہو گی

 

کر دیا موسی کو جس چیز نے بے ہوش عدمؔ

بے نقابی نہیں وہ نیم حجابی ہو گی