یہ کام ہے تیرا تو شمع جلائے جا | نغمے محبت کے ہر سو سنائے جا | محمد سہیل عارف معینی | ڈاکٹر شہباز منج

 

یہ کام ہے تیرا تو شمع جلائے جا

نغمے محبت کے ہر سو سنائے جا

 

آئیں گے طوفاں بھی رستے میں تیرے

تو رکنا نہیں تو گلشن بسائے جا

 

تدبر کی دولت فراست کی ثروت

بہاروں کی مانند تو سب پہ لٹائے جا

 

افق سے آگے نشیمن ہے تیرا

عقابوں سے آگے تو بازو پھلائے جا

 

اڑانیں چرخ میں نگاہیں زمیں پر

تو سب کو دامن میں اپنے ملائے جا

 

ہے زرخیز مٹی معینیؔ کا گلشن

کوئی پھول دائم ادھر بھی لگائے جا

محمد سہیل عارف معینیؔ

Read More

کاش ہم بھی اتنے بے باک ہوتے | اجداد مرے گر کوئی نواب ہوتے | معینی | کلام معینی

 

کاش ہم بھی اتنے بے باک ہوتے

اک سوال کے پھر کتنے جواب ہوتے

 

تو بات کرتا  سنبھل کے ہم سے

محلے میں اگر ہم بھی خراب ہوتے

 

مرا ہر عیب  تو خوشی سے قبول کرتا

اجداد مرے  گر کوئی نواب ہوتے

 

عیاری نے چھپا رکھے ہیں عیب ترے

تو پکڑا جاتا گر کہیں حساب ہوتے

 

ابھی دیکھا ہے چپ رہنا مرا تو نے

وقت لگتا ہے کتنا بے حجاب ہوتے

 

توڑا مان معینی کا ،دل بھی توڑا ہے

تو مجرم ہے ،کاش !مجرم کو عذاب ہوتے

Read More

اے کاش محبت ہو تجھے بھی ، اور خود سے ہو || محمد سہیل عارف معینی

 

اے کاش محبت ہو تجھے بھی  ، اور خود سے ہو

اے کاش شکایت ہو تجھے بھی ، اور خود سے ہو

 

تو چاہے ملاقاتیں وہ تجھ سے خفا ہی رہے

احساس اذیت ہو تجھے بھی ، اور خود سے ہو

 

اخلاص کا دعوی ہو تجھے اپنی محبت پر

پھر عالمِ نفرت ہو تجھے بھی ، اور خود سے ہو

 

غم دل کے سنانے کو اور درد مٹانے کو

اک بار ضرورت ہو تجھے بھی ، اور خود سے ہو

 

ہیں گزرے معینی ہم جس کرب کے عالم سے

نہ چاہتے نفرت ہو تجھے بھی ، اور خود سے ہو

Read More

خوبصورت نعت :: ہے جلوہ خدا کا محمدﷺ کا چہرہ :: نعت کی تشریح

 

Read More

فرصت جو ملے آنا کبھی بادِ صبا ہو کر

فرصت جو ملے آنا کبھی بادِ صبا ہو کر

ہم پلکیں بچھا دیں گے راہوں میں فدا ہو کر

شمع میری زندگی کی بجھنے کو ہے دیکھو تو

تم حالتِ نزع میں آنا نا ہوا ہو کر

تقدیر نے کھیل ایسا ہے کھیلا میرے سنگ یہ

خوشیاں بھی تیری آئیں مری سمت سزا ہو کر

بیمارِ محبت ہوں نہ چھیڑو طبیبو تم

کہہ دو مرے دلبر سے آ جانا دوا ہو کر

تم روٹھ کے جانا نا مہمان ہیں دو پل کے

تم جیت گئے بازی ہم ہار ے قضا ہو کر

کوئی جھوٹی تسلی تم دینا نا ہمیں جانا

کیوں آئے گا پنچھی پھر پنجرے سے رہا ہو کر

ہر آن رہی سر پر منڈلاتی اجل جاناں

رہے وعدہ وفا کرتے کیا کیا نہ کیا ہو کر

ہے مل کے بچھڑ جانا تقدیر معینیؔ کی

کیوں تم سے کریں شکوہ ہم تم سے جدا ہو کر

Read More

کہتا ہے مجھے جو دن رات غلط

کہتا ہے مجھے جو دن رات غلط

ہوگی اس میں بھی کوئی بات غلط

پھیلنے پہ تعفن  کے کہتا ہے وہ یوں

ہوئی ہے آسمان سے برسات غلط

سمجھ نہ پائے جو حقیقت کے راز

کہتے ہیں کہ الفاظ کی بہتات غلط

زاغ کے مقدر میں کہاں اوجِ ثریا

اور  کوئل کی بھی ہے ہر گھات غلط

ہے اپنا تو معینیؔ اند ازِ ملن اور

لگتے ہیں انہیں میرے جذبات غلط

Read More

تیرا یوں بعد بکھرنے کے سنور جانے کا شکریہ

تیرا یوں بعد بکھرنے کے سنور جانے کا شکریہ

صبح کا بھولا شام پلٹ آنے کا شکریہ

باخبر ہوں تیرے خیالات و احساسات سے میں

تیرا دردِ دل کی داستاں سنانے کا شکریہ

حسیں وادیوں سے گزر کر خود کو نہیں بھولتے

اپنے من میں ڈوب کر ساتھ نبھانے کا شکریہ

دلِ شکستہ لے کر آنکھیں پر نم لے کر تیرا

یوں روتے روتے اچانک مسکرانے کا شکریہ

میں اجنبی ہوں تجھ سے تو ہے نا آشنا مجھ سے

اپنی داستانِ حسرت سنانے کا شکریہ

امید وفا رکھنا یقینِ حیا رکھنا ساجدؔ  سے

بھروسہ رکھنے کا شکریہ بات بڑھانے کا شکریہ

16/02/2009

Read More

اسے جو کرنا تھا سو وہ کرتا چلا گیا

اسے جوکرنا تھا سو وہ  کرتا چلا گیا

فصل خزاں تھا ، پتا  تھا گرتا چلا گیا

دل غم زدہ تھا ہمارا ، اسے کیا مطلب

وہ تھوڑا پریشان تھا سو کہتا چلا گیا

اک آنسو بچا کے رکھا تھا وقتِ رخصت کیلیے

یاد آنے پہ ان کی وہ بھی بہتا چلا گیا

سن سن کے درد میرے آسماں بھی کیسے رویا

موسم برسات کی مانند روتا چلا گیا

پھٹ جائے گی زمیں جو سن امیرا حالِ دل

اک دل ہے جو زخم پہ زخم سہتا چلا گیا

دردِ الفت بھی ہے کیسا شیریں یارو!

چاندچاندنی بن کر میرے  گھراترتا چلا گیا

آنکھوں کی دہلیز پہ انہوں نے قدم جو رکھے ساجدؔ

اک پر سکوں سمندر تھا بپھرتا چلا گیا

15/02/2009

Read More

وہ چہرہ دل پہ چھایا ہے

رو رو کے جس کو بھلایا ہے

وہ چہرہ دل پہ چھایا ہے

گلشن سوکھے نظر آتے ہیں، پنچھی بھی اب رلاتے ہیں

کوئل کی کو کو نہ بھاتی ہے ، صرف ان کی صورت نظر آتی ہے

ہنجو جس کی خاطر بہایا ہے

وہ چہرہ دل پہ چھایا ہے

موسم سونا سونا ہے اب ، رت کو واپس ہونا ہے اب

کوئی ہنسی خوشی بھی جائے گا ، پر مجھ کو چین نہ آئے گا

کیونکہ پنچھی وپ نہ آیا ہے

وہ چہرہ دل پہ چھایا ہے

دیس بھی اپنا پردیس بنا ہے ، آنکھ کو بھی ان بہنا ہے

بادل غم کے امڈ آئے ہیں موسم بھی  خزاں کا لائے ہیں

دل میرا بیچارہ رویا ہے

وہ چہرہ دل پہ چھایا ہے

کچا گھر ہے میرا یارو ، گارا در ہے میرا یارو

مینہ برسا بہہ جائے گا  ، میدانِ کتب رہ جائے گا

رہ رہ کہ ساجد چلایا ہے

وہ چہرہ دل پہ چھایا ہے

2008/02/10 اتوار

Read More

غمِ دو جہاں دیا ہے عنایت ہے آپ کی

غمِ دو جہاں دیا ہے عنایت ہے آپ کی

روتے پہ ہنس دیا ہے ظرافت ہے آپ کی

تو نے جو رکھ دیا ہے دلِ ناتواں بالائے طاق

کہہ دیا ہے اس پہ یہ کہ حفاظت آپ کی

راہوں میں بیٹھ کر ہم تکتے رہے تمہیں

منہ پھیر کر گزرنا عادت ہے آپ کی

بے شک نہ بات ہم سے کرنا سرِ بازار

نظریں اٹھا کے دیکھنا سخاوت ہے آپ کی

پردہ کیا نہ ہم سے آئے نہ رو برو

اشاروں سے کرنا باتیں روایت ہے آپ کی

دو گھڑیاں ساتھ بیٹھ کے دامن چھڑا لیا

یہ جو مدہوشیاں ہیں رفاقت ہے آپ کی

معلوم ہے معینیؔ کے دل کا جو حال ہے

تجاہل یہ عارفانہ عادت ہے آپ کی

Read More

محبت سے پہلے زمانے بھلے تھے

محبت سے پہلے زمانے بھلے تھے

بنا فکر کوئی پھولے پھلے تھے

محبت میں ہم نے خفا ہو کے دیکھا

سوا بے رخی کے بھلا کیا صلے تھے

محافل میں ان کی تھی رونق بہت ہی

ہمیں جب ملے ہیں سناٹے ملے تھے

بہاروں کے موسم تھے ان کے چمن میں

ہمیں بس خزاں ہی کے موسم ملے تھے

تھا راہوں میں ان کو کھڑے تکتے رہنا

انہیں ہم سے یہ ہی شکوے گلے تھے

خموشی تمہاری کہیں مار نا دے

زمانہ ہوا ہے تیرے لب کھلے تھے

تڑپنا پھڑکنا لہو گھونٹ پینا

محبت کی راہوں میں یہ ہی صلے تھے

معینی تھے آئے جو الفت کی راہ میں

منزل ملی کب وہ خاک ملے تھے

Read More

خاموش ستاروں سے کچھ کہنے ہی دو

خاموش ستاروں سے کچھ کہنے ہی دو

خود کلامی کی دنیا میں خوش رہنے ہی دو

رونے کا کہتے ہو کیوں، چپ بیٹھے ہیں جو

یہ راہِ الفت کا  درد سہنے ہی دو

اک جان ہے باقی ،تمہیں اور کیا چاہیے

رگِ جاں میں بس ، خون بہنےہی دو

بھری محفل میں رسوا کیا  میرے ہمدم

جینے کا ساماں میرا کچھ رہنے ہی دو

مانا کہ سچ ہمارے جھوٹ سہی لیکن

آج سرِ شام یہ جھوٹ کہنے ہی دو

تیرے غم بنے میرا سرمایہءِ حیات

میرے پاس یہ سوغات رہنے ہی دو

مانا ہی کب تھا میری الفت کو تو نے

جنازہ ہے ارمانوں کا  بس رہنے ہی دو

 تشنہ لب رہوں گا کوئی شکوہ نہیں 

دہلیزِ لب معینیؔ بند رہنے ہی دو

Read More

سخا کیجیے نبھا دیجیے

سخا کیجیے

نبھا دیجیے

نہں چاہتے تو

قضا کیجیے

ہم غلط ہیں

سزا دیجیے

خطائیں ہماری

بھلا دیجیے

نہ ہو دل تو

چھڑا لیجیے

بے رخی سے پہلے

سلا دیجیے

نہ چھوڑیے بس

مٹا دیجیے

قابل نہیں ہوں

دفع کیجیے

ہم لٹ گئے

ہنسا کیجیے

ہم بکھر گئے

مزا لیجیے

آپ اچھے ہیں

وفا کیجیے

یکبار مار دیں

بھلا کیجیے

میت تیار ہے

کندھا دیجیے

موت زندگی ہے

عطا کیجیے

یادش° معینیؔ

سجا لیجیے

°(اس کی یاد)

Read More

جانا تو تھا ہی تجھے خدا کا امر تھا ، ماں

جانا تو تھا ہی تجھے خدا کا امر تھا ، ماں

تیری زندگانی گویا وقتِ سحر تھا ، ماں

ہر نشیب و فرازِ زندگی میں سہیل

ڈوبتی سمبھلتی ناؤ کا لنگر تھا ، ماں

میری نادانیوں کو ذرا ہس کے بھلا دینا

کتنا عظیم عفو و درگزر کا پیکر تھا ، ماں

کون سنبھالے گا مجھے زمانے کے تھپیڑوں میں

وہ راحتوں، الفتوں ، امیدوں کا مرکز تھا ، ماں

شب ِ دیجور میں دکھائے گا منزل

تو مشعلِ راہ تیرا سراپا منور تھا ، ماں

مصائب زمانے کے بہت ڈرتے تھے ہم سے

اک سایۂ رحمت اک دعاؤںسے پر بحر تھا ، ماں

کروڑوں رحمتیں خدا تیری مرقد میں اتارے

سہیل تیرے ہی دم سے تاجور تھا، ماں

محمد سہیل عارف معینی

Read More