ان صحبۃ الاشرار تورث | کشف المحجوب | برے لوگوں کی صحبت | بری صحبت کے اثرات | صوفی کون ہوتا ہے

یہ بات متفق علیہ ہے بلکہ یقینی اور موجودہ دور کے لوگوں کے موافقِ حال ہے جو عام طور پر محبوبانِ بارگاہ کے منکر اور اس کی وجہ یہ ہے کہ رسمی صوفیوں کی مجالس میں عوام بیٹھے اور ان کے ہر کام میں انہیں خیانت نظر آئی اور ان کے زبانوں پر دروغ بے فروغ پایا اور دوسروں کی غیبت کرتے سنا اور ان کے کان دو پیت اور ہزلیات پر لگے  ہوئے دیکھے۔ ان کی آنکھیں لہو و لعب اور شہوت پرستی پر لگی ہوئی دیکھیں اور ان کی تمام تر کوششیں حرام و مشتبہ مال جمع کرنے میں صرف پائیں۔ تو انھوں نے خیال کر لیا کہ صوفی عام طور پر ایسے ہی ہوتے ہیں اور ان کا عمل اور مجاہدہ یہی ہے۔ بلکہ صوفیا کا یہی مذہب ہے۔ حالاں کہ یہ بالکل غلط اور اتہام ہے۔ بلکہ صوفیوں کے تمام افعال اطاہت الہی پر ہیں اور ان کی زبان کلامِ حق اور ثمرِ محبت حق حٓصل کرنے میں کھلتی ہے۔ ان اکے ضمیروں میں خالص محبتِ الہی بھری ہوئی  ہوتی ہے۔ ان کے کان سماعِ حق کے محل اور حقیقت نیوش ہوتے ہیں۔ ان کی آنکھیں مشاہدۂِ جمالِ یار کو کھلی ہوتی ہیں۔ ان کی سعی و کوشش تمام حصول اسرارِ خفیہ پر ہوتی ہے۔ اور وہ رازِ مخفی کے دیکھنے میں مجاہدہ کرتے ہیں۔

        اگر کوئی قوم ایسی ظاہر ہو جائے کہ صوفیاء کے زمرے میں مل کر ان کی سی رفتار و گفتار میں خیانت کرے تو ان کی خیانت کا اثر ان پر پڑے گا نہ ان احرارِ جہان اور سادات ِ زمان پر۔یاد رکھو ! جو شریر لوگوں سے صحبت رکھے گا وہ اپنی شرارتِ نفس کے ماتحت ہو گا اور اگر اس میں بھلائی اور نیکی ہو گی تو وہ اخیار                   کے ساتھ صحبت پسند کرے گا۔

کند ہم جنس باہم جنس پرواز

کبوتر با کبوتر باز با باز

تو ایسے منکر جو خاصانِ بارگاہ سے بد ظن ہو گئے ، وہ مکاروں کی اقتدا میں خراب ہو ئے۔ 

 

Read More

برے خیالات اور باطنی ناپاکی سے نجات:: داتا گنج بخش علی ہجویری رحمۃ اللہ تعالی علیہ

 

برے خیالات اور باطنی ناپاکی سے نجات کیسے حاصل کریں؟۔ حضور داتا گنج بخش علی ہجویری رحمۃ اللہ تعالی علیہ اپنے شہرہ آفاق کتاب کشف المحجوب میں ارشاد فرماتے ہیں کہ:

            آدمی وضو کرتے ہوئے جب ہاتھ دھوئے تو اس کے ساتھ ہی دل کو دنیا کی محبت سے پاک کر لے( نیت کر لے) جب ناک میں پانی ڈالے تو خواہشات کو بھی اپنے اوپر حرام کر لے ، جب منہ دھوئے تو تمام نفسانی خواہشات سے منہ پھیر لے اور حق کی جانب متوجہ ہو جب کہنیوں تک ہاتھ دھوئے تو اپنے نصیبوں سے علیحدہ ہو جائے ، جب سر کا مسح کرے تو اپنے کام اللہ تعالی کے حوالے کر دے ، جب پاؤں دھوئے تو تمام ممنوعہ راستوں پر چلنے سے باز رہنے کی نیت کر لے۔(کشف المحجوب ، باب فی فرق فرقھم فی مذابھم ، ص ۳۱۸)

ہر عمل تخیل کا عملی پہلو ہوتا ہے۔ تخیل کا تعلق ان  کی خواہش،  ارادے اور نیت سے ہوتا ہے۔ جب وہی خواہش اور ارادہ اور نیت عروج پاتے ہیں تو عمل کی صورت میں ظاہر ہوتے ہیں۔ اس لیے دین اسلام میں نیت کا بہت زیادہ عمل دخل ہے۔ دو رکعت کو نیت ہی نفل بناتی ہے اور فرض بھی۔ اور نیت اور ارادے کو خوبصورت بنانے کے لیے نیک کاموں کی نیت پر بھی ثواب کی خوشخبری سنائی گئی ہے ۔اسی بات کے پیشِ نظر داتا صاحب نے وضو کے دوران ان تمام امور  کی نیت کا  درس دیا تا کہ نیت ہو گی تو معاملات میں تبدیلی آئے گی لہذا نیت کریں ایک وقت آئے گا انسان عمل کی کوشش کرے گا ۔

Read More