انتخابِ چشمِ قدرت ماں خدیجہ آپ ہیں || منقبت سیدہ خدیجہ الکبری رضی اللہ تعالی عنھا || Manqabat Sayda Khadija Kubra

 

آبروئے دین و ملت ماں خدیجہ آپ ہیں

انتخابِ چشمِ قدرت ماں خدیجہ آپ ہیں

 

جنکی ہستی ہے سکونت دونوں عالم کے لیے

ان کی آنکھوں کی سکونت ماں خدیجہ آپ ہیں

 

آپ کے عز و شرف کا ایک پہلو یہ بھی ہے

مادرِ خوتونِ جنت ماں خدیجہ آپ ہیں

 

ہم قدم تھیں مشکلوں میں شاہِ دو عالم کےساتھ

کوہِ عزم و استقامت ماں خدیجہ آپ ہیں

 

جز براہیم آپ ہیں اولادِ پیغمبر کی ماں

کس نے پائی ہے یہ عزت ماں خدیجہ آپ ہیں

 

جب نبی نے کہہ دیا خیر نساء العالمین

ماورائے ہر فضیلت ماں خدیجہ آپ ہیں