محبوب مٹھل منٹھاراں دی
کیا بات میری سرکاراں دی
والشمس نبی دا چہرہ چہرے تے یسین دا
سہرا
ڈبے سورج نوں وی موڑے نال اشارے چن نوں
توڑے
ویریاں لئی وی منگدا خیراں عرش دیاں کردا سیراں
ایسے کریم توں صدقے جاواں پتھر کھا کے دیوے دعاواں
میری حیاتی اوہدیاں یاداں پلے بھردا نال مراداں
اوہدے دم نال بہاراں کھڑیاں ہر
پاسے گلزاراں
بھلیاں نوں چا رستے پایا
ویریاں تائیں یار بنایا
گل کر کے خلق پیاراں دی
کیا بات میری سرکاراں دی
خُلق خلوص نبی سرور دا
ماڑیاں دے ہتھ سر تے دھردا
پَکھ کردا اوہ گنہاراں دی
کیا بات میری سرکاراں دی
بیٹھ گیا جتھے دو گھڑیاں
اوس جگہ نوں رگناں چڑھیاں
پئی آوے مہک بہاراں دی
کیا بات میری سرکاراں دی
دتا سوہنے سوہنا مرشد
پیارا تے من موہنا مرشد
گل بن گئی اے لاچاراں دی
کیا بات میری سرکاراں دی
کی منگنا میں ہور نیازیؔ
سوہنا رہے میرے تے راضی
میں نوکر ہاں دلداراں دی
کیا بات میری سرکاراں دی
ماشاءاللہ
ReplyDelete