Iqbaal's Poetry Beautiful

Read More

Iqbal's poetry

Read More

What to do in Rmadan ul Mubarak

In the name of Allah, the most beneficent the merciful

Ramadan is a month not only when Muslims keep away from food, but everything we do during this month causes us to develop taqwa (piety). The Holy month of Ramadan is where we recharge our Imaan (faith) for the entire year. In this article I will attempt to list out 10 things which we can all do to make our Ramadan this year more spiritual and hopefully some of these things would develop into habits which we carry on with us for the year ahead. You could also print out this article and keep it handy for the month of Ramadan to act as a reminder.

1. Read Quran daily

You will be rewarded 10 rewards for every letter you read.  This prize basically illustrates the weight of the Quran in terms of where it should be in your life.
Ramadan is the perfect opportunity for us to develop a routine, so why not make reading the Holy Quran part of our daily lifestyle choices and why not start in this month?If you read one juz (part) of Quran each day, by the end of the month, you would have completed the entire Quran!
I find it most peaceful to do these recitations after Fajir Salaat in the morning. It is also common to recite Quran between Asr and Maghrib Salaat. Find what works for you, and stick to it.
Reading Quran is more effective in Ramadan because as we fast, we strengthen our consciousness of Allah which allows us to better internalise the teachings of the Quran and align our behavior to these teachings.

2. Pray Sunnah Salaat before and/or after Salaat

“Allah will build house in Jannah for whoever is diligent in observing 12 sunnah rakat (as follows) 4 rakat before and 2 after Dhur, 2 after the Maghrib, 2 after Ishaa, and 2 before Fajr.”
[Tirmidhi]

During this month, there are so many extra blessings we can attain and praying our voluntary prayers before and/or after our obligatory salaat is an easy way to gain these. If we give ourselves the time to pray these extra salaat for this month, then during the rest of months, it would become like second nature to us. Make this a habit, and you would soon feel incomplete in your salaat without your voluntary prayers, and feel so much more spiritual when you complete them; not to mention, your blessings would be increasing and you would feel more accomplished.

3. Increase your remembrance of Allah

“O You who believe! Remember Allah with much remembrance”
{Surat Al-‘Aĥzāb33: Verse 41}

This could be as simple as doing dikhr (rememberance) while you’re in the car going to work, or in the check-out line at the grocery. Any and all free time could be the vehicle you use to develop your dikhr of Allah.

A few common things you can say are:
–         SubhanAllah or SubhanAllahwabihamdihi (“I praise Allah (or All praise if to Allah) above all attributes that do not suit His Majesty.”)
It is recorded that the reward for saying this is that a tree will be planted for you in Paradise. Another hadith records that whoever says this 100 times a day, his/her sins will be forgiven even if they were as much as the foam of the sea [Bukhari].
–         Alhamdulillah (“All praise is for Allah.”)
The stated reward for this one is that your scales will be tipped in your favour on the Day of Judgment.
–         La hawlawa la quwwataillabillah (“There is no power or might except (by) Allah.”)
You will enter through a special door in Paradise if you oft use this remembrance.
–          SubhanAllah (x33), Alhamdulillah (x33), Allahuakbar (x34) “I praise Allah (or All praise if to Allah) above all attributes that do not suit His Majesty.  All praise is to Allah.  Allah is Great.”)
This is commonly said after all salaat and before you go to sleep.

4. Give extra charity

In addition to your Zakaat (obligatory charity) you should find a way every day to give extra charity. Feed a hungry child or family; give away some of your clothes to needy people; or even help an elderly person cross the road. The possibilities for charity are limitless. Our beloved Prophet Muhammad salallahualeyhiwasallam, has said that even a smile is charity. The little things would add up and would be a great source of your blessings. Further, the satisfaction you will get from being kind and charitable to others would be a fulfilling experience.

5. Do not engage in unnecessary talk

It has been reported that if someone approaches you and engages in nonconstructive talk, then you say  ‘I am fasting, I am fasting’ and stop it in its tracks. This is a good way to cleanse your thoughts as well. Think positively and talk positively.

6. Visiting a sick Muslim

“There is no Muslim who visits a sick Muslim early in the morning but 70 thousand angles send blessings upon him until evening comes, and if he visits him in the evening, 70 thousand angles send blessings upon him until morning comes, and he will have a garden in paradise.”
[Tirmidhi] 

7. Providing food for breaking the fast

“Whoever provides food for breaking of the fast for a fasting person receives the reward of the fasting person, without the reward of the fasting person being reduced in any way.”
[Tirmidhi & Ibn Majah]

This is an easy way to receive more blessings during this month, while increasing our spirituality.

8. Standing in prayer on Laylatul Qadr

“LaylatulQadr is better than a thousand months.”
{Surat Al-Qadr 97: Verse 3}

The rewards from prayers of this night is equivalent to a thousand months. This is a great opportunity to get closer to Allah and build up your spirituality.

9. Asking Allah to forgive ALL Muslims

“Whoever seeks forgiveness for believing men and believing woman, Allah will write for him a good deed for each believing man and believing woman.”
[Tabarani]

This is a powerful way to make the best out of our Ramadan.

10. Attend lectures and events in the Masjid

“Whoever goes to the mosque not desiring except to learn or teach what is good has the reward of a pilgrim who completed his Hajj”.
[Tabarani]

I hope that these 10 things inspire you to make the utmost best of your Ramadan. Remember that the little things add up and every little bit you do counts. Rome was not built in a day, so don’t expect your Imaan to either. Patience and consistency will get you where you want to go.

Read More

رمضان المبارک۔تقوی،تشکر،تکبیراوراحتساب کامہینہ

رمضان المبارک۔تقوی،تشکر،تکبیراوراحتساب کامہینہ

1.      اللہ تعالیٰ کی اپنے بندوں کے لیے نعمتوں اور انعامات کا شمار ممکن نہیں لیکن اللہ کی ان نعمتوں میں رمضان المبارک کو ایک منفرد حیثیت حاصل ہے۔ حضوراکرم صلی اللہ علیہ وسلم کو اس مہینے کا انتظار رہتا تھا اور اس کا وہ جس شوق کے ساتھ استقبال کرتے تھے، اس کا احساس اور ذکر خود ایمان افروزاور اس انعامِ الٰہی کی قدرومنزلت کو سمجھنے اور اس سے فائدہ اُٹھانے کے لیے مہمیز کا کام کرتا ہے۔ آپؐ رجب کا چاند دیکھتے تو دعا فرمایا کرتے تھے کہ
اَللّٰھُمَّ بَارِکْ لَنَا فِی رَجَبْ وَشَعْبَان وَبلغنَا رَمضَان، اے اللہ! ہمارے لیے رجب اور شعبان کے مہینوں میں برکت عطا فرما اور ہمیں رمضان کے مہینے تک پہنچا دے۔
اور پھر جب رمضان کا چاند نظر آجاتا تو لسان نبویؐ سے یہ الفاظ گوہر بن کر ضوفشاں ہوتے:
اَللّٰھُمَّ اَھْلِہٗ عَلَیْنَا بِالْامْنِ وَالْاِیمَانِ والسَّلَامۃِ والْاسِلَام ربّی وربَّک اللّٰہ (بخاری) اے اللہ ! ہم پر یہ چاند امن و ایمان اور سلامتی اور اسلام کے ساتھ طلوع فرما۔ (اے چاند) میرا اور تیرا رب اللہ ہی ہے۔
حضرت سلمان فارسیؓ سے روایت ہے کہ حضور پاک صلی اللہ علیہ وسلم نے شعبان کی آخری تاریخ کو ایک خطبہ دیا جس میں رمضان کے بابرکت مہینے کے استقبال کے لیے ہمیں اس طرح تیار فرمایا:
اے لوگو! بہت بڑی عظمت اور بابرکت والا مہینہ تم پر سایہ فگن ہونے والا ہے۔ اس مبارک مہینے کی ایک رات ہزار مہینوں سے بہتر ہے۔ اللہ نے اس مہینے کے روزے تم پر فرض کیے ہیں، اور رات کے قیام ( مسنون تراویح) کو نفل قرار دیا ہے۔ جو شخص اس مہینے میں دل کی خوشی سے ایک نیکی کا کام کرے گا اس کو دوسرے مہینوں کے فرض کے برابر ثواب ملے گا، اور جو شخص اس مہینے میں ایک فرض ادا کرے گا اللہ تعالیٰ اس کو دوسرے مہینوں کے ۷۰فرضوں کے برابر ثواب بخشے گا۔ یہ ’صبر‘ کا مہینہ ہے، صبر کا اجر جنت ہے اور یہ غریبوں کی مالی ہمدردی اور امداد کا مہینہ ہے۔ (مشکٰوۃ)
رمضان کی برکتوں کا ذکر فرماتے ہوئے آپؐ نے اس خطبے میں روزے کے دو اہم پہلوؤں کو اُجاگر فرمایا ہے جو روزے کی روح اور مقصد کو سمجھنے میں مد د دیتے ہیں، یعنی صبر کا مہینہ اور مواساۃ کا مہینہ، یعنی غریبوں اور دوسرے انسانوں کے لیے مالی ہمدردی اور امداد کا مہینہ۔ صبر کا تعلق خواہشات اور جذبات پر قابوکی صلاحیت پیدا کرکے اور رب کی اطاعت اور حق کی راہ میں ثابت قدمی سے ہے، اور مواساۃ کا تعلق دوسرے انسانوں کے لیے رحمت اور اخوت کے جذبات کو پروان چڑھاکر ایک دوسرے کے لیے سہارا بننے اور انسانی معاشرے کو محبت، تعاون اور سلامتی کا گہوارا بنانے سے ہے۔ قرآن کی تعلیمات کا خلاصہ اللہ کی اطاعت اور اللہ کے بندوں کے لیے رحمت کی صفات میں بیان کیا جاسکتا ہے۔
روزے کے باب میں قرآن نے تین چیزوں کی طرف خصوصیت سے ہمیں متوجہ کیا ہے:
* لَعَلَّکُمْ یَتَّقُوْنَ، تاکہ ہم صاحبِ تقویٰ بن جائیں۔
* لَعَلَّکُمْ تَشْکُرُوْنَ ، تاکہ تم اپنے رب کا شکر ادا کرو۔ اس کی اس نعمت پر کہ اس نے تم کو قرآن سے جو عطیہ فرقان و ہدایت ہے، نوازا اور اس مہینے میں اس کا نزول شروع ہوا۔
* لِتُکَبِّرُوا اللّٰہَ عَلٰی مَا ھَدٰکُمْ ،تاکہ تم اس انعام خداوندی اور عطاے ہدایت ربانی پر اللہ کی کبریائی بیان کرو اور قرآن کے پیغام کو پھیلااور بلند کرکے اس انعام کا شکر ادا کرو۔
نبی پاک صلی اللہ علیہ وسلم نے اس مبارک مہینے سے فائدہ اُٹھانے کا مؤثر ترین نسخہ اس طرح بیان فرمایا : ’’جس نے ایمان اور احتساب کے ساتھ رمضان کے روزے رکھے اس کے تمام پچھلے گناہ معاف کردیے جائیں گے‘‘۔
یہی وجہ ہے کہ حضور صلی اللہ علیہ وسلم نے اس مبارک مہینے کو نیکیوں کی فصلِ بہار قرار دیا ہے۔ یہ بھی اللہ تعالیٰ کا ایک انعامِ خاص ہے کہ پاکستان کا قیام اس مبارک مہینے میں بلکہ ۲۷رمضان المبارک کو ہوا اور اس سال بھی ۱۱مئی کے انتخابات کے بعد یہ مبارک مہینہ ہم پر سایہ فگن ہو رہا ہے۔ آیئے رمضان المبارک کے نعمت خداوندی ہونے کے مختلف پہلوؤں پر غور کریں اور پھر اس مبارک مہینے میں اپنے، اپنے ملک اور اُمت مسلمہ کے حالات پر ایمان اور احتساب کے ساتھ نظر ڈالنے کی کوشش کریں، اور اللہ تعالیٰ سے دعا کریں کہ ہمیں اپنی ذاتی زندگیوں میں بھی اس سے پورا پورا فائدہ اُٹھانے کی توفیق سے نوازے اور پاکستان، اُمت مسلمہ اور تحریکِ اسلامی کو بھی ان اخلاقی، مادی اور اجتماعی قوتوں کے حصول کی سعادت سے فیض یاب کرے جو دورِحاضر میں اسلام اور مسلمانوں کو درپیش چیلنجوں کا کامیابی سے مقابلہ کرنے کے لائق بنائیں۔
_______________
روزہ اسلام کے نظامِ تربیت و اصلاح کا ایک بنیادی رکن ہے۔ انسانوں کی ہدایت و رہنمائی کے لیے اللہ سبحانہ وتعالیٰ نے اسلام کے نظامِ تربیت میں عبادات اور معاملات کے ذریعے نہ صرف فرد، بلکہ معاشرے اور پوری انسانیت کے لیے کرنے کے ایسے کام فرض کیے ہیں جن میں سے ہر ایک اس نظامِ تربیت کو قوت اور سہارا دیتا ہے ۔ روزے کے بارے میں جامع تعریف مولانا سیدابوالاعلیٰ مودودی نے یوں فرمائی ہے: ’’روزہ سال بھر میں ایک مہینے کا غیرمعمولی نظامِ تربیت (special training course) ہے جو آدمی کو تقریباً ۷۲۰گھنٹے تک مسلسل اپنے مضبوط ڈسپلن کے شکنجے میں کسے رکھتا ہے تاکہ روزانہ کی معمولی تربیت میں جو اثرات خفیف تھے وہ شدید ہوجائیں‘‘ (سیدابوالاعلیٰ مودودیؒ ، اسلامی عبادات پر تحقیقی نظر، لاہور، ۱۹۷۷ء، ص ۶۷)۔ اسی پہلو کو کچھ مختلف الفاظ میں محترم مولانا یوں فرماتے ہیں : ’’نہ صرف روزہ بلکہ تمام عبادات کی غرض یہی ہے کہ ان کے ذریعے آدمی کی تربیت کی جائے اور اس کو اس قابل بنادیا جائے کہ اس کی پوری زندگی اللہ کی عبادت بن جائے‘‘(خطبات، لاہور، ۲۰۱۲ء، ص ۱۱۹)۔ گویا عبادات انسان کے مقصد وجود کے حصول کا ذریعہ ہیں۔ وَمَا خَلَقْتُ الْجِنَّ وَالْاِِنسَ اِِلَّا لِیَعْبُدُوْنِo (الذاریات ۵۱:۵۶) ’’میں نے جنوں اور انسانوں کو پیدا اسی لیے کیا ہے کہ وہ میری عبادت و بندگی کریں‘‘۔
ایک بنیادی فرق روزے اور دیگر عبادات میں یہ ہے کہ ان کی ادایگی ایک قابلِ محسوس شکل رکھتی ہے، جب کہ روزہ ایک ایسی مخفی عبادت ہے جسے صرف وہ جس کی عبادت کی جارہی ہے، جانتا ہے۔ اللہ عزوجل فرماتے ہیں: ابن آدم کا ہر (نیک) عمل کئی گنا بڑھا دیا جاتا ہے۔ ایک نیکی ۱۰نیکیوں کے برابر، حتیٰ کہ ۷۰۰ گنا تک بڑھا دی جاتی ہے۔ اللہ کریم فرماتا ہے سواے روزے کے جو صرف میرے لیے ہوتا ہے اور میں ہی اس کی جزا دوں گا کیونکہ وہ میری وجہ سے اپنی شہوت اور اپنے کھانے کو چھوڑتا ہے۔(مسلم، حدیث ۱۱۵۱)
یہ دوسروں کو نہ نظر آنے والی عبادت اثرات و نتائج کے اعتبار سے صحیح معنی میں جہادِاصغر کہی جاسکتی ہے، کیونکہ اس میں نفس میں پائی جانے والی اور مخفی بغاوت (طاغوت) اور انانیت (شیطان) جو ایک انتہائی بھلے اور راست باز انسان کو وقتی طور پر اپنے قابو میں لے آتی ہے، اس کو پورے ایک ماہ کے لیے ایک نظر نہ آنے والے قیدخانے کی سنگین سلاخوں کے پیچھے بیڑیاں پہناکر قیدکردیا جاتا ہے۔ رسولِ کریمؐ نے فرمایا: تمھارے پاس رمضان کا مہینہ آپہنچا۔یہ بابرکت مہینہ ہے۔ اللہ سبحانہٗ تعالیٰ نے تم پر اس کے روزے فرض فرمائے، اس مہینے میں جنت کے دروازے کھول دیے جاتے ہیں اور جہنم کے دروازے بند کردیے جاتے ہیں اور اس میں شیطان جکڑ دیے جاتے ہیں۔ (سنن نسائی، حدیث۲۱۰۶، بخاری، حدیث۳۲۷۷)
عام دنوں میں شیطانی وساوس مومن کو بہت سے نیک کاموں سے روکنے کے لیے نئی نئی شکلوں میں مزاحم ہوتے ہیں لیکن رمضان ایسا موسمِ بہار لے کر آتا ہے جس میں فضا بھلائیوں کے لیے سازگار اور بُرائیوں کے لیے سدِراہ بن جاتی ہے۔ روزہ ایک ڈھال بن کر آتا ہے۔ اس لیے اگر کسی روزہ دار کو کوئی شخص جھگڑے پر آمادہ کرنا چاہے تو وہ صرف یہ کہہ کر الگ ہوجاتا ہے کہ ’’میں روزے سے ہوں‘‘۔ (بخاری، حدیث ۱۹۰۴، مسلم، حدیث ۲۷۶۰)
یہ ہمت، یہ اعتماد اور یہ حوصلہ کہ ایک دھمکی کا جواب ہاتھ سے دینے کی صلاحیت ہو اور پھر بھی صرف یہ کہنے پر اکتفا کیا جائے میں روزے سے ہوں، صرف ایسی صورت حال ہی میں ہوسکتا ہے جب ایک شخص کو یہ شعور اور آگہی ہو کہ وہ ایسے نظامِ تربیت سے گزر رہا ہے جس میں ہرنفسیاتی ردعمل اللہ تعالیٰ کی رضا اور خوشی کے تابع ہو۔ یہ ضبط نفس صرف اور صرف رمضان ہی کی برکت سے حاصل ہوتا ہے۔ لیکن اس ماہ کی برکات اور اس عبادت کے ذریعے اپنی شخصیت و سیرت میں انقلابی تبدیلی کا عمل ہم اسی وقت کرسکتے ہیں جب چند باتوں سے اجتناب کیا جائے اور ایسے عمل کو وظیفۂ حیات بنا لیا جائے جو رمضان کے دوران اور اس کے بعد ہمارے ہر سانس، ہرقدم، ہرخیال، ہرمنصوبے اور ہر ارادے کو صحیح رُخ اور معنی دینے کی صلاحیت رکھتا ہو۔ جن چیزوں سے بچنے اور اجتناب کرنے سے یہ صلاحیت پیدا ہوتی ہے انھیں انگلیوں پر گنا جاسکتا ہے لیکن تعداد میں کم ہونے کے باوجود ان سے بچنے کے لیے مضبوط عزم اور اللہ تعالیٰ کے آنکھوں کے سامنے ہونے کا تصور ضروری ہے۔ ان میں جنسی لذت کی نیت سے قربت، غذا، پانی، جھوٹ اور جاہلیت کے دور میں کی جانے والی عادات شامل ہیں۔ ’’جو شخص جھوٹ بولنے، اس کو پھیلانے اور جہالت کی باتوں کو ترک نہیں کرتا تو اللہ رب العزت کو اس کی ضرورت نہیں ہے کہ وہ اپنے کھانے پینے کو ترک کرے‘‘(بخاری، حدیث ۱۹۰۳)۔ خصوصاً زبان کی احتیاط کہ کوئی فحش بات نہ ہونے پائے۔
یہ نظامِ تربیت جن مطلوبہ صفات کو جِلا بخشتا ہے ان میں سرفہرست تقویٰ کی روش ہے (البقرہ۲:۱۸۳)۔ دوسری صفت صبر، یعنی ایک جانب اپنے آپ کو نفس کے مطالبات سے روکنا اور دوسری جانب مثبت اور تعمیری پہلو سے بھلائی، قیامِ حق اور نظامِ عدل کے قیام، اللہ سبحانہ وتعالیٰ کی بندگی کے نظام کو نافذ کرنے کی جدوجہد کو استقامت کے ساتھ کرتے ہوئے اس پر جم جانا ہے۔ ’’صبر کرنے والوں کو تو ان کا اجر بے حساب دیا جائے گا‘‘ (الزمر ۳۹:۱۱)۔ وھو شھرُ الصَّبرِ (مشکوٰۃ عن سلمان الفارسیؓ)۔ تیسری مطلوبہ صفت حاجت مندوں اور معاشرے کے غریب افراد کے ساتھ ہمدردی کی صفت کا پیدا کرنا ہے۔ ۔۔۔ وَشَھرُ المُواسَاۃِ (مشکوٰۃ عن سلمان الفارسیؓ)۔ یہ ہمدردی مالی بھی ہوسکتی ہے، غذا فراہم کر کے، لباس دے کر، حتیٰ کہ ایک ملازم پر سے اس کا بوجھ کم کرنے کی شکل میں بھی اختیار کی جاسکتی ہے۔ خاتم النبیین صلی اللہ علیہ وسلم کا معمول تھا کہ اس مہینے میں غیرمعمولی طور پر آپؐ کی جود و سخاوت بارش لانے والی ہواؤں کو مات کردیتی تھی (متفق علیہ)۔ اس دوران آپؐ سے جو کچھ مانگا جاتا آپؐ انکار نہیں فرماتے تھے۔ (مسنداحمد)

رمضان اور احتساب
ان اعلیٰ صفات کو پیدا کرنے کی تربیت کے ساتھ ساتھ یہ مہینہ ایک اور اہم پیغام بھی لے کر آتا ہے جو تمام عبادات اور معاملات کے مغز کی حیثیت رکھتا ہے، یعنی جو بھلائی بھی کی جارہی ہے یا جس کے کرنے کی تربیت حاصل کی جارہی ہے اس کا محرک اصل میں کیا ہے۔ صادق الامین خاتم النبیین صلی اللہ علیہ وسلم فرماتے ہیں: من صام رمضان ایماناًواحتساباً غفرلہ ما تقدم من ذنبہ ’’جس نے رمضان کے روزے ایمان اور احتساب کی نیت سے رکھے تو اس کے گذشتہ گناہ بخش دیے گئے‘‘ (بخاری، حدیث ۱۹۰۱، مسلم، حدیث ۱۷۵)۔ اگر غور کیا جائے تو یہ جامع قولِ حق و صداقت، یعنی ایمان اور احتساب کے ساتھ روزے کا رکھنا روزے کی روح ہے اور رمضان سے قبل پیش آنے والے تمام معاملات پر غور کرنے کی دعوت۔ ان کا تجزیہ کرکے اپنی کمزوریوں کو طاقت میں بدلنے کی تربیت ہے۔اس سلسلے میں وہ حدیث بھی ہمارے سامنے رہنی چاہیے جس میں خاتم النبیین صلی اللہ علیہ وسلم فرماتے ہیں کہ : ’’قیامت کے دن اللہ کی عدالت سے آدمی نہیں ہٹ سکتا جب تک اس سے پانچ باتوں کے بارے میں حساب نہیں لے لیا جاتا۔ اس سے پوچھا جائے گا کہ عمر کن مشاغل میں گزاری، دین کا علم حاصل کیا تو اس پر کہاں تک عمل کیا، مال کہاں سے کمایا اور کہاں خرچ کیا، جسم کو کس کام میں گھلایا۔ (ترمذی،عن ابی برزۃ الاسلمی )
حضرت عمرؓ کے مشہور قول حاسبوا قبل ان تحاسبوا ’’احتساب کرو، قبل اس کے احتساب کیا جائے‘‘ اور رمضان کے روزے احتساب کے ساتھ رکھنے والی حدیث مبارکہ کی اہمیت تحریکِ اسلامی کے کارکنوں کے لیے غیرمعمولی ہے۔ اس بات کی ضرورت ہے کہ اس احتساب کے مختلف پہلوؤں پر اپنے ذہن کو تازہ کرتے ہوئے اس نسخۂ کیمیا کے ذریعے اپنی تمام بھول چوک کے لیے اس مبارک مہینے کے روز و شب میں رب کریم سے خصوصی استغفار، استعانت و نصرت کی طلب کے ساتھ کیا جائے، تاکہ بھول اور لغزش فیصلے کی ہو، ذاتی طور پر ذمہ داریوں کی ادایگی میں ہو، انفاق فی سبیل اللہ میں کی گئی ہو، اپنی صلاحیتوں کو وقت پر استعمال نہ کرنے کی ہو، صحیح منصوبہ بندی نہ کرنے کی ہو یا پورے خلوص کے ساتھ ایک ایسا رویہ اختیار کرنے کی ہو جس کی توقع ایک داعی سے نہیں کی جاتی، کے اثرات نہ ہوں۔ غرض کہ ضرورت ہے کہ ماضی کے ہرہرعمل کے بارے میں خود احتسابی اور دیانت و امانت اور ذمہ داری کے احساس کے ساتھ اس رمضان کا استقبال کیا جائے۔
اس احتسابی عمل کا آغاز، ایک کارکن ہو یا ذمہ دار، اسے اوّلاً اپنے آپ سے سوال کرنا ہوگا کہ دعوتِ دین اور اقامتِ دین کی مہم میں چاہے وہ انتخابی مہم میں حصہ لینے کی شکل میں ہو، کیا وہ فرائض کی ادایگی میں چاق چوبند رہا، یا اپنے خیال میں ایک بھلائی کے کام میں مصروف ہونے کے عذر نے اسے نمازوں میں سستی پر آمادہ کردیا؟ کیا اس کی زبان سے اس کا پڑوسی، حتیٰ کہ اس کا نظریاتی اور سیاسی مخالف محفوظ رہا اور اُس نے حق کا اظہار اس طرح کیا جیسے کہ قرآن نے سنتِ رسولؐ کا تذکرہ کیا ہے کہ ’’دیکھو تم لوگوں کے پاس ایک رسول آیا ہے جو خود تم ہی میں سے ہے، تمھارا نقصان میں پڑنا اس پر شاق ہے، تمھاری فلاح کا وہ حریص ہے، ایمان لانے والوں کے لیے شفیق اور رحیم ہے‘‘۔ (التوبہ ۹:۱۲۸)
داعی کے لیے ضروری ہے کہ اس کا قول، قولِ لیّن ہو، اس کا میٹھا بول دل اور روح میں جاگزیں ہوجائے (طٰہٰ ۲۰:۴۴)۔ وہ مخالف کی تلخ کلامی، الزام تراشی، درشتی، غرض ہرہر غلط بات کا جواب مخالف کی زبان میں نہ دے بلکہ حکمت سے دے جس طرح ایک داعی کی زبان اظہار کرتی ہے۔ ’’اور اس شخص کی بات سے اچھی بات کس کی ہوگی جس نے اللہ کی طرف بلایا اور نیک عمل کیا اور کہا کہ میں مسلمان ہوں۔ اور اے نبیؐ نیکی اور بدی یکساں نہیں ہیں۔ تم بدی کو اس نیکی سے دفع کرو جو بہترین ہو، تم دیکھو گے کہ تمھارے ساتھ جس کی عداوت پڑی ہوئی تھی وہ جگری دوست بن گیا ہے۔ یہ صفت نصیب نہیں ہوتی مگر ان لوگوں کو جو صبر کرتے ہیں اور یہ مقام حاصل نہیں ہوتا مگر ان لوگوں کو جو بڑے نصیب والے ہیں۔ اور اگر تم شیطان کی طرف سے کوئی اُکساہٹ محسوس کرو تو اللہ کی پناہ مانگ لو وہ سب کچھ سنتا اور جانتا ہے‘‘۔ (حم السجدہ ۴۱: ۳۳۔۳۶)
ان اہم قرآنی ہدایات کی روشنی میں اس امر کی ضرورت ہے کہ ہم میں سے ہرشخص ذاتی طور پر اپنا احتساب کرے اور اس کے ساتھ ہرمسلمان، ہرپاکستانی اور تحریکِ اسلامی کا ہرکارکن موجودہ حالات کے تناظرمیں اپنا، اپنے رویوں اور احساسات، اپنے مقاصد، اہداف اور سرگرمیوں کو، اور جو عہد اس نے اپنے اللہ سے کیا ہے اس کی روشنی میں احتساب کے ساتھ عزمِ نو کا عہد کرے، تاکہ رمضان کی برکتوں سے وہ خود بھی فیض یاب ہو اور ملک و ملت اور تحریک و دعوت کو بھی قوت حاصل ہو۔ یہ جائزہ جہاں دنیا، اُمت اور پاکستان کے عمومی حالات کی روشنی میں لیا جانا چاہیے وہیں خود تحریکِ اسلامی اس وقت جس مرحلے سے گزر رہی ہے اور حال ہی میں ملک گیر انتخابی معرکے نے جو نئے چیلنج اُبھارے ہیں ان کو سامنے رکھ کر یہ کام کیا جائے۔
ہم نے بات کا آغاز اس حدیث مبارکہ سے کیا تھا جس میں ایمان و احتساب کے ساتھ رمضان کے روزوں کو رکھنے کی برکت، یعنی اللہ کی طرف سے مغفرت کا تذکرہ ہے۔ کسی بھی رابطہ عوام مہم میں جو مراحل پیش آتے ہیں وہ تحریک اسلامی کے کارکنوں تک محدود نہیں ہیں، بلکہ کسی بھی نظریاتی گروہ کو پیش آسکتے ہیں۔ ان میں سے چند پر غور کرنے کی ضرورت ہے:

۱۔ وسیع پیمانے پر عوامی رابطہ مھم کا مقصد
اس بات پر غور کرنے کی ضرورت ہے کہ اس مہم کا مقصد کیا صرف حصولِ اقتدار تھا یا رضاے الٰہی کا حصول اور دین کے قیام کے لیے سلطہ کا حصول۔ وَ قُلْ رَّبِّ اَدْخِلْنِیْ مُدْخَلَ صِدْقٍ وَّ اَخْرِجْنِیْ مُخْرَجَ صِدْقٍ وَّ اجْعَلْ لِّیْ مِنْ لَّدُنْکَ سُلْطٰنًا نَّصِیْرًا o (بنی اسرائیل ۱۷:۸۰) ’’اور دعا کرو کہ پروردگار مجھ کو جہاں بھی تو لے جا (مکہ سے مدینہ منورہ) سچائی کے ساتھ لے جا، اور جہاں کہیں سے بھی نکال (مکہ مکرمہ سے) سچائی کے ساتھ نکال اور اپنی طرف سے ایک اقتدار کو میرا مددگار بنادے‘‘۔
اقامت دین کی جدوجہد میں اقتدار بذاتِ خود نہ کبھی مقصود تھا نہ ہوسکتا ہے بلکہ یہ دین کے نفاذ کا تشریعی ذریعہ ہے۔ قرآن کریم کے تمام احکامات کا نفاذ اسی ذریعے کے ساتھ وابستہ ہے۔ اسلامی رفاہی اصولوں کا نفاذ ہو، یا زکوٰۃ کا نظام ہو یا نماز کا یا حج کا، ابلاغِ عامہ کے برقی ذرائع سے حیا، سچائی ، عدل و انصاف کے اصولوں کی تعلیم دینا ہو، یا تعلیم گاہ میں جدید علوم کی آگاہی، یا جداگانہ نظامِ تعلیم ہو، یا عدالتوں میں سچے، جری اور متقی قاضیوں کا تقرر ہو۔ اسی طرح اسلامی تعزیرات کا نفاذ ہویا حدود پر عمل، ہر ایک کے نفاذ کے لیے سلطہ، اقتدار کا حصول دینی مطالبہ ہے جو نصوص قرآنی کی بناپر قطعی الثبوت اور قطعی الدلالہ ہے۔ رمضان مطالبہ کرتا ہے کہ اس فریضے کی ادایگی کے حوالے سے ذاتی اور اجتماعی احتساب کیا جائے کہ رابطہ عوام مہم میں کہیں ذات اور قریب المیعاد مقاصد تو نہیں آگئے؟ کیا یہ صرف اور صرف ایک اعلیٰ مقصد کے حصول کے لیے برپا کی گئی؟
۲۔ مخاطب کی نفسیات و مسائل کا اِدراک
کیا عوامی مہم میں اس بات کو پیش نظر رکھاگیا کہ جن عوام الناس کو افہام و تفہیم کی جارہی ہے ان کے بنیادی مسائل___ بے روزگاری، تعلیم کا نہ ہونا، صاف پانی کا میسر نہ ہونا، جان مال اور عزت کا تحفظ نہ پایا جانا، ملک میں گرانی کی آفت کا پایا جانا، صحت اور زندگی کی سہولیات کا نہ پایا جانا، صنعت کاروں کا بجلی کی عدم موجودگی کے سبب کاروبار میں خسارہ اور عوام کا گرمی اور سردی دونوں میں پریشان ہونا___ کیا اِن مسائل کے قابلِ عمل حل عوام کے سامنے پیش کیے گئے اور انھیں اپنے ساتھ شامل کیا گیا یا ملاقاتوں اور اجتماعات میں نظری گفتگو اور حالات کی صرف منفی تصویر سامنے پیش کی گئی۔ اسلام اُمید کا نام ہے۔ نصرتِ الٰہی پر یقین کے ساتھ بہترین نتائج کی بشارت اور ان کے لیے کوشاں ہونے کا نام ہے۔ کیا ہم لوگوں میں اُمید اور حالات کے قابلِ تبدیل ہونے کا احساس پیدا کرسکے۔ کیا ملک کے عوام اور نوجوانوں پر طاری مایوسی کو ہم نے ایک الگ، مثبت اور قابلِ عمل منصوبہ پیش کر کے دُور کیا یا ہم بھی منفی اور غیرتعمیری تنقید کے دائرے میں گھومتے رہے۔
۳۔مخالفین سے رویہ
کیا اس مہم کے دوران ہم نے مختلف الخیال افراد تک پہنچ کر انھیں حکمت، موعظہ حسنہ اور اپنی نرم گفتاری سے اپنے سے قریب کیا یا انھیں مخالف اور محارب کے خانے میں دھکیل دیا۔ قرآن کریم ہم سے مطالبہ کرتا ہے کہ کل تک جو ہمارا دشمن تھا ہم اسے اپنی بھلائی سے ولی حمیم میں تبدیل کرنے کی حکمت عملی وضع کریں، اور پھر احتساب کریں کہ اللہ کی نصرت سے ہم کتنے مخالفین کو غیرجانب دار کرسکے۔ کتنے افراد کو تحریک کے ماحول میں لاسکے اور کتنے ہمدردوں کو سرگرم کارکن بناسکے۔ اگر رابطہ عوام مہموں میں ایک ایک کارکن صرف تین ایسے افراد سے رابطے قائم کرکے، جن میں سے ایک مخالف کو ہم خیال ، ایک لاتعلق کو متعلق اور ایک متعلق کو کارکن بنانے کی حکمت عملی پر عمل ہو، تو پانچ نہیں ایک سال میں تحریک سے وابستہ افراد میں تین گنا اضافہ ہوسکتا ہے، اور اس طرح دعوتِ دین وسیع تر حلقے تک پہنچانے میں اپنا فرض ادا کرسکتے ہیں۔

۴۔ اپنے گہر کی فکر
اس پہلو سے بھی احتساب کی ضرورت ہے کہ ہم نے دعوت کی اشاعت کے لیے جن جن محاذوں پر کام کیا، کیا ان میں گھر بھی شامل رہا ، اور اگر شامل رہا ہے تو کس حد تک ابلاغی خلا (communication gap) دُور کیا جاسکا۔ عام مشاہدہ ہے کہ نظریاتی طور پر بچوں پر اثرات کے باوجود بعض گھروں میں عوامی مہم ہو یا انتخابات کا معاملہ، والدین اور بچوں کے فیصلے حالیہ انتخابات میں یکساں نہیں رہے۔ اس میں جہاں یہ پہلو مثبت ہے کہ بچوں نے اپنی آزادیِ راے کا استعمال کیا، لیکن کیا انھیں اچھے انداز میں ان کے فیصلے کے اثرات سے آگاہ کیا گیا؟

۵۔ نوجوان قیادت
تحریکاتِ اسلامی کی تاریخ یہ بتاتی ہے کہ عصرِحاضر میں اسلامی تحریکات کے قائدین نے عمر کے جس مرحلے میں عوامی رابطے کا آغاز کیا وہ خود ان کا بھی دورِ جوانی تھا جس کی بنا پر نوجوانوں کو متحرک کرنے اور attract کرنے میں انھیں آسانی ہوئی۔ اس بات پر غور کرنے اور تجزیہ کرنے کی ضرورت ہے کہ عوامی رابطے میں جن افراد کو اُمیدوار نامزد کیا گیا، کیا وہ نوجوانوں کو اپیل کرنے میں کامیاب ثابت ہوئے، یا ہماری توقع کے باوجود صحیح نتائج حاصل نہ کرسکے۔تحریکات کی حیات کا انحصار نئے خون اور نئے ولولے، نئے زاویے، نئے طریقے تلاش کرنے والے ذہنوں کے ساتھ ہے۔ بلاشبہہ حکمت جس چیز کا نام ہے وہ محض علم سے حاصل نہیں ہوسکتی، نہ صرف تجربے سے اور، نہ صرف عمر کی بزرگی سے۔ بعض نوعمرصحابہ کرامؓ خلفاے راشدین کی شوریٰ کے رکن تھے۔ بعد کے اَدوار میں بعض نے سندھ اور بعض نے اسپین اور چین پر یلغار کی، جب کہ ان کے بال سیاہ تھے۔ خود حضرت اسامہ بن زیدؓ کا فوج کی قیادت کرنا ایک سبق آموز مثال ہے۔ تحریک کو اپنی عوامی رابطے کی دعوتی مہم کے لیے ایسے نوجوانوں کو آگے بڑھانا ہوگا جو پاکستان کے ۶۶فی صد نوجوانوں سے ان کی زبان میں بات کرسکیں۔ یہ ایک اہم اسٹرے ٹیجک معاملہ ہے اور اسے نظرانداز کرنا تحریک کے مستقبل کے لیے بہت خطرناک ہوسکتا ہے۔

۶۔ انفاق فی سبیل اللّٰہ
عوامی تحریکات میں دُوردراز علاقوں بلکہ مقامی اجتماعات کے لیے جو بھاگ دوڑ کرنی پڑتی ہے اور انتظامی اُمور میں جو مالی وسائل درکار ہوتے ہیں، نظریاتی تحریکات اس کے لیے ہمیشہ اپنے کارکنوں پر بھروسا کرتی ہیں اور وہ خود یا دوسروں کے تعاون سے وسائل پیدا کرتے ہیں۔ یہی درست طریقہ ہے لیکن اسے وسیع کیے بغیر آج کے دور کی ضروریات پوری نہیں کی جاسکتیں۔ اس بات کا احتساب کرنے کی ضرورت ہے کہ کیا ہرکارکن نے مالی انفاق میں حصہ لیا اور اگر لیا تو کس حد تک۔ کیا وہ ’ہلکے اور بھاری‘ گھر سے نکلا، یا انتظار میں رہا کہ جس رب کے لیے کام کیا جا رہا ہے وہ خود سب کام کرکے اقتدار ہمارے حوالے کردے گا؟ کیا تمام ممکنہ قوتوں وقت، مال، صلاحیت کو لگاکر منزل کے حصول کی کوشش کی گئی یا ضابطے کی کارروائی کے طور پر کام کیا گیا اور اُمید یہ کی گئی کہ ووٹر خود اپنا ووٹ لسٹ میں چیک کریں گے اور خود جاکر راے کا استعمال کریں گے، جب کہ بہت سے اُمیدواروں نے ووٹرز کے لیے ہرمرحلہ خود آسان کر کے انھیں مدد فراہم کی۔

۷۔ جدید ذرائع ابلاغ کا استعمال
اس بات کے بھی احتساب کی ضرورت ہے کہ ہم دین کی دعوت اور عوامی مہم میں کس حد تک برقی ذرائع ابلاغ اور سوشل میڈیا، مثلاً فیس بک یا ٹویٹر یا دیگر ویب کے ذرائع کو استعمال کرسکے یا محض ’عرب بہار‘ کے خودبخود واقع ہوجانے کی اُمید پر قانع رہے۔ ہوسکتا ہے بعض حضرات کو یہ باتیں بعد از مرگ واویلا نظر آئیں لیکن میں سمجھتا ہوں تحریکات کسی ایک یا دو انتخابات میں نہ مستقلاً کامیاب ہوتی ہیں اور نہ مستقلاً ناکام۔ تحریکاتِ اسلامی کے لیے احتسابی عمل ایمان او ر اللہ تعالیٰ کی رضا کے ساتھ ہرمرحلے میں انھیں ہمت، حوصلہ اور اُمید سے روشناس کراتا ہے۔ تنقید ہمیشہ صحت کا پیش خیمہ ہوتی ہے۔ قرآن کریم ہمیں یاد دہانی کراتا ہے کہ بعض باتیں اچھی نہیں معلوم ہوتیں، جب کہ ان میں ہمارے لیے خیر ہوتا ہے اور بعض اچھی معلوم ہوتی ہیں ، جب کہ ان میں شر ہوتا ہے۔
ان چند گزارشات کا مقصد صرف سورۂ حم السجدہ کی آیات کی روشنی میں یہ جائزہ لینا ہے کہ کس طرح تحریک ان ا فراد کو جو کل تک تحریک سے اختلاف کرتے تھے، آیندہ پانچ برسوں میں ایک جامع اور قابلِ عمل منصوبے کے ذریعے نہ صرف اپنا ہم خیال بلکہ اپنا جگری دوست بناسکتی ہے۔ اس معاملے میں شیطان بے کار نہیں بیٹھتا۔ اگر ہم ۱۰گھنٹے دن میں کام کرتے ہیں تو وہ دن رات کے ۲۴گھنٹے اپنی شرانگیزی میں لگاتا ہے۔ اسی لیے کہا گیا کہ اللہ کی پناہ میں آیا جائے اور اس کے شر سے بچا جائے، اور اسی لیے کہا گیا کہ مخالف کی ضد، ہٹ دھرمی، تلخ کلامی، الزام تراشی کا جواب بھلائی سے دیا جائے۔ بُرائی کو بھلائی سے دُور کیا جائے تو وہی جو کل تک مخالف تھا، سرگرم کارکن بن سکتا ہے۔
رمضان میں جس نے ایمان و احتساب کے ساتھ روزہ رکھا اس کے تمام ماضی کے گناہ، بھول، غیرشعوری طور پر غلطی سب کو رب کریم معاف کردیتا ہے۔ جس نے رمضان میں ایمان کے ساتھ قیام کیا اس کے تمام گناہ معاف کردیے جاتے ہیں۔جس نے رمضان میں ایمان و احتساب کے ساتھ رات کو قیام کیا اس کے نہ صرف ماضی بلکہ دو رمضانوں کے درمیان تمام گناہ معاف کردیے جاتے ہیں۔ اس ماہ کا ہرلمحہ مطالبہ کرتا ہے کہ اسے تعمیرسیرت، ضبطِ نفس، عوام الناس کی خدمت، ناداروں اور ضرورت مندوں کی ضرورت پوری کرنے اور ملک و ملّت میں عدل و انصاف کا نظام قائم کرنے کی کوششوں میں صرف کیا جائے، تاکہ یہ مہینہ قیامت میں ہماری شفاعت اور گواہی دے کہ ہم نے اس کا حق ادا کردیا۔

Read More

میرا سکول My School

گورنمنٹ اقبال ماڈل ہائی سکول کے ہیڈ ماسٹر ظفر اقبال وٹو کے ساتھ کمٹمنٹ پر مجھے 11 بجے سکول پہنچنا تھا۔ اس روز لاہور میں ہمارے گھر میں ماہانہ ختم تھا جس میں فیصل آباد سے آئے مہمان بھی موجود تھے، اس لئے میں اکیلا لاہور سے چلا اور مقررہ وقت سے پون گھنٹہ قبل بچیکی میں ڈاکٹر شیر محمد کے پاس تھا۔ظفر اقبال وٹو کی دعوت پر اقبال صاحب نے لاہور اور خالد صاحب نے شور کوٹ سے آنا تھا۔ دونوں مصروفیت کے باعث شریک نہ ہو سکے۔ہمارے گائوں بندیکی جاگیر سے پرائمری کے بعد سات آٹھ لڑکے اقبال ماڈل سکول میں داخل ہوتے، اتنے ہی برخور دارگائوں سے آتے۔ برخوردار کے سٹوڈنٹ بڑے ذہین اورہونہار ہوا کرتے تھے۔یہ سب انکے اُستاد طفیل صاحب کے طفیل تھا۔
لاہور سے نکلتے ہی،یادوں کا سماں بندھ گیا۔ بچپن، لڑکپن اور سکول لائف کی فلم دماغ کے پردہ سکرین پر چلنا شروع ہو گئیں۔بچپن میں سردیوں میں لباس لنگی اور قمیص ہوتا، گرمیوں میں صرف لنگی رہ جاتی، زیادہ سردی ہونے پر دو قمیصیں، شدیدسردی میں تیسری قمیص کی ضرورت محسوس ہوتی مگر تیسری قمیص ہوتی ہی نہیںتھی۔ مجھے وہ کتا اور اسکی ’’چانگریں‘‘ نہیں بھولتیں جس نے ایک بار مجھے سکول سے واپسی پر کاٹنے کی کوشش کی۔ اسکے دانت پاجامے میں پھنس کر رہ گئے۔ ٹانگ محفوظ رہی مگر پاجامے میں لاسٹک تھی، کتے کی ’’کتیائی‘‘ سے پاجامہ گھٹنوں تک آ گیا۔میرے روئیں روئیں سے انتقام کی صدا آرہی تھی۔میں گھر گیا، بستہ رکھا،ایک روٹی اُٹھائی،کتے کو تلاش کیااور ٹکڑا ڈالتے ڈالتے اسے گھر تک لے آیا۔غیر محسوس طریقے سے اسکی دُم پر مٹی کے تیل کا دیا انڈیلا اور موقع پا کر تیلی لگا دی۔ شعلہ بار دُم کو لہراتا اور چلاتا ہواکتا یہ جا وہ جا،یہ کتا غیرت مند نکلا دوبارہ گائوں میں نظر نہیں آیا۔ میں چوتھی میں تھا جب میرے ساتھ یہ واقعہ اور کتے کے ساتھ سانحہ پیش آیا۔ پرائمری جماعت گائوں کے سکول سے پاس کی۔ پرائمری سکول میں سید یٰسین شاہ گیلانی (مرحوم) ہمارے شروع سے آخر تک استاد رہے۔ اس دوران ماسٹر دین محمد اور ماسٹر شوکت(جسلانی واربرٹن سے) بھی کچھ عرصہ سکول میں تعینات رہے۔ دین محمد پیری فقیری اور لوگوں سے استادی کرنے کے بھی ماہر تھے۔ پرائمری کے بعد اقبال ماڈل ہائی سکول میں داخلہ لیا۔ یہ ہمارے گائوں سے سات کلو میٹر کے فاصلے پر تھا۔ سکول تک زیادہ عرصہ پیدل جاتے رہے۔ بھٹو دورمیں گورنر غلام مصطفی کھر کے حکم پر سٹوڈنٹ کا کرایہ دس پیسے ہواتو دو کلومیٹر پیدل چل کر بجلی گھر سٹاپ سے بس میں سوار ہو کر جانا شروع کر دیا۔ گھر والوں نے ایک مرتبہ پرانی سائیکل لیکر دیدی، جس نے ایسی سائیکل نہیں چلائی، اسے سائیکل کے کتے فیل ہونے کی کیا سمجھ آئیگی۔ یوں سمجھ لیں یہ گاڑی کے کلچ پلیٹ جیسا کام کرتے ہیں۔پطرس بخاری اور میری سائیکل میں کچھ زیادہ فرق نہ تھا۔
پرائیویٹ سکول نیشنلائز ہوا تو تمام اساتذہ کا سرکاری سٹیٹس ہو گیا اور مزید اساتذہ بھی آنے لگے۔ مرزا اقبال محمد بیگ، خالد لطیف خالد اور محمد ادریس سکول کے بانی مبانی تھے۔ ان کو ہم نے شبانہ روز محنت کرتے اور ویل ڈریسڈدیکھا۔ اس قافلے میں چودھری ریاض احمد، عبدالستار، محمود علی اور محمد اسلم بھی شامل تھے ۔خالد لطیف صاحب تو سکول کے انسائیکلو پیڈیا ہیں، کسی بھی معاملے حتیٰ کے کسی ساتھی کے بارے میں کچھ جاننا ہو تو ان سے مکمل معلومات مل جاتی ہیں۔ نیشنلائز ہونے کے بعد آنیوالے استاد میاں لطیف گراں مایا سرمایہ ثابت ہوئے۔ ہمارے یہ اساتذہ صرف تدریس ہی نہیں ہماری اخلاقی اور معاشرتی تربیت بھی کرتے، خصوصی طور پر خالد لطیف خالد زندگی گزارنے کے طریقے اور سلیقے بھی ذہن نشین کراتے۔انہی کا سبق ہے ، چائے ’’سڑکا‘‘ لگائے بغیر پئیں۔ چائے میں بسکٹ ڈبو کر کھانا آداب مجلس کیخلاف ہے۔ جتنی بھی سردی ہو سینڈل یا کھیڑی کے ساتھ جرابیں نہیں پہننی، شدید گرمیوں میں بھی اگر بوٹ پہنے ہیں تو جرابیں ضروری ہیں۔ تسموں کے بغیر بوٹ چپل کے زمرے میں آتے ہیں،تاہم یہ بھی چل جاتے ہیں۔وہ کہا کرتے غربت قدرت کی طرف سے ہوسکتی ہے صفائی ہر انسان کے اپنے بس میں ہے۔
ڈاکٹر شیر محمد مجھ سے ایک کلاس آگے تھے تاہم 1975ء میں سکائوٹنگ کیلئے ایک ساتھ شاہکوٹ گئے۔ میں اپنے اندر اگر کوئی خوبی ڈھونڈ پایا ہوں تو وہ وقت کی پابندی ہے۔ مقررہ وقت سے چند منٹ پہلے ہم لوگ سکول کے گیٹ پر ہوتے تھے۔ سکول اب چھوٹی سے بڑی بلڈنگ میں شفٹ ہو گیا ہے جو پہلے لاہور جڑانوالہ روڈ پر تھا اب ننکانہ روڈ پر شہر سے تین چار کلو میٹر دور ہے۔ ظفر اقبال وٹو نوجوان اور انرجیٹک ہیڈ ماسٹر ہیں۔ وہ اور دیگر اساتذہ کرام کو میں نے سلام عرض کیا۔ سکول انتظامیہ نے متعدد مقامی اشرافیہ کو بھی مدعو کیا، ان میں سے ایک نے خود تو آنے سے معذرت کی تاہم 40 طلباء کیلئے یونیفارم خرید کر بھجوا دیں۔ یہ 23 اپریل کا دن تھا تاہم موسم خوشگوار تھا۔بجلی کی بندش ناگوار نہیں گزری۔ سکول کے طلبا کی تعداد تین سو تیس جبکہ اساتذہ 18 ہیں۔ سکول 3 ایکٹر میں ہے۔ ایسی تفصیلات کے بعد ایک کھلے کمرے میں طلباء و سٹاف سمیت ہم 60 افراد اکٹھے ہوئے۔انکے ساتھ گفتگو میں میرا نہ صرف بچوں بلکہ اساتذہ پر بھی زور تھا کہ وہ تعلیم کو زندگی کے کسی بھی مرحلے پر ’’بس!‘‘ نہ سمجھیں۔ تعلیم آپ کا کچھ نہیں بگاڑتی البتہ زندگی کے کسی بھی مرحلے پر آپکے عروج کا سبب بن سکتی ہے۔ اس کمرے میں ڈاکٹر اے کیو خان کی تصویر لگی تھی میں نے شرکاء کی اس تصویر پر توجہ دلائی۔ ڈاکٹر اے کیو خان نے یہ مقام تعلیم اور محنت سے حاصل کیا، وہ ہم پاکستانیوں کے دلوں میں بستے ہیں۔ ایسا یا اسکے قریب تر مقام تعلیم اور محنت سے حاصل کرنا عین ممکن ہے۔انسان کا غریب کے گھر پیدا ہونے میںقصور نہیں مگر وہ غریب مرتا ہے تو اس کا قصور ہے۔ اس میٹنگ کے بعد ہیڈ ماسٹرصاحب کے دفتر میں سکول اور اساتذہ کے مسائل پر بات ہوئی۔ ان لوگوں نے مجھ سے بچوں کو سزا کے بارے سوال کیا تو میراجواب تھا۔ ’’ضرورت پڑنے پربچوں کو اتنی سزا ملنی چاہیے جتنی ہمیں ملتی رہی ہے۔ مرغا بننا، چپیڑ،سوٹی۔ سزا کے نام پر بچے کی ’’لَت بانہہ‘‘ توڑنا ظلم ہے۔ اب معمولی مار پر بھی کئی والدین استاد پر پرچہ کرا دیتے ہیں۔ ایسی قانون سازی، ماحول سے نابلد لوگ کرتے ہیں۔ ایچی سن،ہاورڈاور آکسفورڈ کے فارغ التحصیل قانون سازی کرینگے تو دیہی علاقوں کے اساتذہ مسائل کا شکار رہیں گے۔ محکمہ تعلیم کے کرتا دھرتا اساتذہ اور طلباء کی 90 فیصد حاضری کی پابندی لگاتے ہیں، اساتذہ سے یہ پابندی کرائی جا سکتی ہے: طلباء سے ممکن نہیں۔ آج کل والدین اپنے بچوں کو گندم کی کٹائی میں لگا لیتے ہیں، استاد کی ایک نہیں سنتے، نام کا کاٹا جائے تو ماسٹر کو دھمکاتے ہیں۔اساتذہ کا ایک یہ بھی شکوہ ہے کہ نصاب میں تسلسل نہیں ہے۔کبھی انگلش اور کبھی اردونصاب مسلط کردیا جاتا ہے۔سکول میں ڈیڑھ دو گھنٹے حسیں ،دلنشیں اور یادگار لمحات گزارنے کے بعد سہ پہر کو لوٹ کے لاہور آگئے اور آج پتہ ہی نہیں چلا کہ سکول کب لگا اور کب چھٹی ہوگئی۔

Read More

مرشد اقبال مولانا روم Molana Rom and Iqbal | علامہ اقبال کی شاعری کی خصوصیات

علم کی محفل سجی ہے۔ معلم علم کی دولت بانٹ رہاہے اور متعلم سو جان سے نثار لفظوں کے سحر میں کھوئے ہیں۔عقل و دانش کی باتیں ہورہی ہیں ، چاروں طرف کتابوں کے ڈھیر لگے ہیں اور فقہ و دین کی بحث چھڑی ہے۔ ایسے میں کہیں سے کوئی دیوانہ ، قلندرانہ شان سے چلاآتاہے

ہیچ کس در نزد خود چیزے نہ شد

ہیچ آہن خنجر چیزے نہ شد

کوئی لوہا خودبخود تیزخنجر نہیں بن سکتا جب تک وہ کسی لوہار کے ہاتھ نہیں آتا

مولوی ھر گز نہ شدمولائے روم

تاغلامِ شمس تبریزے نشد

میں خود بھی مولانا روم نہ بن سکا جب تک  کہ میں نے شاہ شمش تبریز کی  غلامی اختیارنہیں کی

          علم کی محفل سجی ہے۔ معلم علم کی دولت بانٹ رہاہے اور متعلم سو جان سے نثار لفظوں کے سحر میں کھوئے ہیں۔عقل و دانش کی باتیں ہورہی ہیں ، چاروں طرف کتابوں کے ڈھیر لگے ہیں اور فقہ و دین کی بحث چھڑی ہے۔ ایسے میں کہیں سے کوئی دیوانہ ، قلندرانہ شان سے چلاآتاہے۔ ہوش سے بیگانہ، خرد سے بے خبر، اپنی ہی چال میں مست، اپنے ہی حال میں مست۔ علمی مباحثے میں مداخلت کرتاہے اور کتابوں کے ڈھیر کی طرف اشارہ کرکے معلم سے گویاہوتاہے،”یہ کیاہے؟۔“ معلم کو اس درویش کی مداخلت ناگوار گزرتی ہے اور اک تجاہلِ عارفانہ سے کام لیتے ہوئے کہ ڈالتاہے،”یہ وہ ہے جس سے تو واقف نہیں۔“ گویا اس قلندر کو جتادینا چاہتاہے کہ بھیا! جا تیرا اس دانش کدے میں کیاکام؟ عقل والوں کی محفل میں دیوانے کی آمد نامنظور۔ ابھی معلم یہ کہ کے اپنے شاگردوں کی طرف متوجہ ہوا ہی چاہتاہے کہ درویش کی انگلی کی اک جنبش سے علم کاخزانہ نذرِ آتش ہوجاتاہے۔ معلم حیرا ں وپریشاں بے ساختہ پکار اُٹھتاہے ۔” یہ کیاہے؟ ۔“اب کے درویش اک ادائے بے نیازی سے جواب دیتاہے ،” یہ وہ ہے جس سے تو واقف نہیں۔“ اتنا کہ کے وہ اپنی راہ لیتاہے اور معلم کی حالت دگرگوں ہونے لگتی ہے۔ کیسا علم، کہاں کی دانش؟ کیا عقل کی باتیں؟ کہاں کی سوچ اور سمجھ؟ سب کچھ جیسے اس درویش کے ساتھ رخصت ہوجاتاہے۔ چین، قرار، سکون کی دولت، سبھی کچھ۔علم و حکمت کی باتیں بے کار لگنے لگتی ہیں، وہ دانائی اور عقل سے کنارہ کش ہوتاہے اور اسی درویش کی تلاش میں صحرا نوردی اختیارکرتاہے۔ گلی گلی، قریہ قریہ اسی کی جستجو تن من کو بھٹکائے پھرتی ہے۔ دانش کدے سے حیرت کدے کا سفر شروع ہوتاہے گویا خرد تیاگ دی گئی اور جنوں کا لبادہ اُوڑھ لیاگیا۔

 وہ معلم کوئی اور نہیں مولانا جلال الدین رومی تھے اور وہ بزرگ اور درویش اُن کے پیر و مرشد شمس تبریز تھے ، جوپیر باباکمال الدین جندیؒ کے ایک اشارے پر روم کے سفر پر روانہ ہوئے اور صاحبِ قال کو صاحب ِ حال میں بدل دیا۔مولانارومؒی کاطرزِ زندگی فقیر کے ایک اشارے سے یکسر بدل گیا۔ بیشتر وقت مجاہدے و ریاضت میں گزرنے لگا۔ نماز کا وقت ہوتاتو اورکچھ نہ سوجھتاقبلہ رو کھڑے ہوجاتے، استغراق کا یہ عالم تھا کہ عشا کے بعد دو رکعت نماز کی نیت باندھتے بسا اوقات اسی دوران رات کی تاریکی ،دن کے اجالے میں بدل جاتی اور ان کی محویت میں فرق نہ آتا۔ایک روز ایسے ہی عالم میں خود سے غافل تھے ،نماز کے بعد اس قدر روئے کہ چہرہ تمام کا تمام آنسووٴں سے تر ہوگیا، بیگانگی کے عالم میں اُٹھ کھڑے ہوئے اور رقص کرنے لگے۔ اسی حالت میں دور نکل گئے۔ مرید پکڑ پکڑ کے لاتے ، بٹھاتے ، وہ پھر سے اُٹھ کھڑے ہوتے ، ہوش سے بیگانہ ، دیوانہ وار محو ِ رقص ہوتے۔ رفتہ رفتہ ان کی اس سکری حالت کی اتباع ان کے مرید بھی کرنے لگے ۔ان کی یاد میں کیے جانے والے اس رقص کا یہ سلسلہ آج بھی جاری ہے اور اس فرقے کے پیروکار”مولویہ یا جلالیہ “ کے نام سے جانے جاتے ہیں۔ہندوستان سے شاہ بو علی قلندر پانی پتیؒ بھی مولانا کی صحبت میں رہے ۔یہی وجہ ہے کہ ہندوستان میں فرقہٴ قلندریہ بھی ایک درجہ میں مولانا رومی سے منسوب کیاجاتاہے۔

 مولانا رومیؒ کی وجہ ٴ شہرت ان کی ”مثنوی“ ہے جس کے کل ۲۶۶۶ اشعار ہیں ۔آپؒ کے کلام میں تصوف، اخلاقیات، فلسفیانہ خیالات اور قرآنی تفسیر و تشریح جابجا دکھائی دیتی ہے۔ عشق کی وارفتگی کا بیان جس خوبصورتی سے ان کے کلام میں نظر آتاہے کہیں اور کہاں مل پائے گا۔فرماتے ہیں:

چوں قلم اندر نوشتن می شتافت

چوں بعشق آمد قلم برخود شگافت

چوں سخن در وصف ایں حالت رسید

ہم قلم بشکست و ہم کاغذ درید

 یعنی عشق کا جذبہ اس قدر طاقتور ہے کہ جب قلم نے لکھنے کا قصد کیا اور جب لفظ ”عشق“ لکھنے لگا تو اس میں شگاف پڑ گیااور جب عشق کے رستے پر چلنے سے پیش آنے والے حالات کا ذکر آیا تو قلم ٹوٹ گیا اور کاغذ پھٹ گیا۔

اُن کے نزدیک اصل عشق ، عشقِ حقیقی ہے ۔ وہ عشق جو پائیدار ہے اُس میں نجات ہے ۔ظاہری حسن سے عشق میں ذلت و رسوائی ہے۔ انھوں نے یہ نصیحت اُس لونڈی کے عشق کی حکایت میں کی ، جو کہ سنار کے ظاہری حسن پر فریفتہ تھی اور جب اُس کا حسن باقی نہ رہا تو عشق کا جذبہ سرد پڑ گیا۔ مولانا اس موقع پر فرماتے ہیں:

عشق ہائے کز پئے رنگے بود

عشق نبود عاقبت ننگے بود

 مولانا رومی کے نزدیک عشق کی تشریح میں عقل ناکام رہتی ہے اور عشق و عاشقی کی شرح بھی خود عشق کرتا ہے ۔گویا اس مقام پر مولانا عقل کو عشق کے مقابلے میں محدود اور کم تو قرار دیتے ہیں ۔ان کے نزدیک عشق عقل سے برتر ہے:

عقل در شرحش چو خر در گِل بخُفت

شرحِ عشق و عاشقی ہم عشق گفت

 عشق کے جذبے سے سرشار یہ فلسفی شاعر 1273ء بمطابق ۶۷۲ھ کو اس جہانِ فانی سے کوچ کرگیالیکن عشق کی یہ شمع بجھی نہیں ۔روحانیت کا یہ سلسلہ تھما نہیں بلکہ ہندوستان کے ایک اور فلسفی شاعر کے دل کو گرماگیا۔ ہندوستان کا وہ شاعر اور کوئی نہیں شاعر مشرق علامہ محمداقبال ہے۔مولانا رومی اقبال کے روحانی پیر ومرشد تھے ۔ اقبال نے بارہا اس بات کا اظہار کیا کہ وہ انھیں اپنا روحانی مرشد مانتے ہیں اور انھوں نے بارہا اپنے کلام میں ان کاتذکرہ کیاہے ۔انھوں اپنے کلام میں پیرِ رومی ، پیر یزدانی، پیرِ حقیقت سرشت اور پیرِ عجم کے نام سے یاد کیااور ان سے عقیدت کا اظہار کیا جیسے:

رازِ سمنی مرشد رومی کشود

فکر من آستانش در سجود

اقبال کے یہاں اکثر و بیشتر مقامات پر مولانا رومی کے موضوعات پر کلام دکھائی دیتا ہے جیسے عشق و عقل میں عشق کو ترجیح دینا، جبر وقدر کے موضوع میں عمل اور جہد مسلسل کو بہتر جاننایا اخلاقی موضوعات کا بیان ۔ اقبال بڑی حد تک ایسے موضوعات میں مولانا رومی سے متاثر دکھائی دیتے ہیں ۔اقبال نے اپنی نظم پیر و مرید میں مولانا رومی کے اشعار میں اپنی الجھنوں کا حل تلاش کیا ہے ۔ جیسے ایک مقام پر فرماتے ہیں:

 اقبال:

زندہ ہے مشرق تری گفتار سے

اُمتیں مرتی ہیں کس آزار سے؟

پیر رومی:

ہر ہلاک ِ اُمت پیشیں کہ بود

زانکہ بر جندل گماں بردند عود

اقبال رومی کی مثنوی کے عظیم خیالات سے بے حد متاثر تھے ۔ مولانا رومی کی طویل مثنوی میں خیالات کا ایک جہاں آباد ہے جسے اقبال نے حرفاً حرفاً پڑھا اوراپنے دل میں اُتار لیا ۔ اسی لیے ان کے کلام میں مولانا رومی کے کلام کا رنگ نمایاں نظر آتا ہے ۔ دونوں بزرگوں کے کلام میں مماثلت پائی جاتی ہے ۔ دونوں اعلیٰ درجے کے شاعر ہیں، دونوں اسلامی شاعر ہیں ، دونوں کی شاعری میں حکمت کا رنگ نمایاں ہے، فلسفیانہ عقائد جھلکتے ہیں ۔دونوں خودی کی نفی کے بجائے خودی کی تقویت کے قائل ہیں ۔دونوں کی شاعری میں سوز وگداز کی کیفیت پائی جاتی ہے ۔ قرآنی واقعات کا حوالہ ہے ، اللہ اور نبی کریم سے محبت کا اظہار ہے، پند و نصائح کے موضوعات دکھائی دیتے ہیں اور دونوں کا کلام ذوق و شوق سے پڑھا جاتا ہے ۔

دنیامیں دو طرح کے شاعر ہوتے ہیں ۔پہلی قسم کے شعرا وہ ہوتے ہیں جوشاعری کے اسرار ورموز سیکھتے ہیں پھر موضوعات کی تلاش میں بھٹکتے ہیں اور بالآخر لفظوں کی تراش خراش کرکے انھیں اوزان و بحور کے تانے بانے بن کے قرطاس کی زینت بناتے ہیں اور دوسری طرح کے شاعر وہ ہوتے ہیں جنھیں ایسے کسی تردد کی ضرورت پیش نہیں آتی ۔ لفظ ان کے ذہن کی سطح پر اس طرح اُترتے ہیں جیسے بارش کا پانی روانی سے آگرتا ہے ۔ایسے شاعروں کا نام صدیوں تک زمانہ یاد رکھتا ہے ۔ بلاشبہ فارسی زبان میں جلال الدین رومی کا شمار بھی ایسے ہی شعرا میں ہوتا ہے ۔جن کا کلام سالوں کی گرد اُڑنے کے بعد بھی دھندلا نہیں ہوا بلکہ جن کے اشعار کو پڑھ کے دلوں کے آئینے شفاف تر ہوجاتے ہیں اور روحوں کی کثافتیں دور ہو جاتی ہیں ۔ مولانا رومی کا کلام شاعری کے محاسن سے پُرہے ۔ اُن کے کلام میں تغزل بھی ہے ، موسیقیت بھی، غنائیت بھی ہے اور سادگی بھی، سوزو گداز بھی ہے ، عشق کی وارفتگی بھی، داخلیت بھی ہے اور خارجیت بھی، وحدت کا اظہاربھی ہے اور عشقِ نبویﷺ کا پرچار بھی، لفظوں کی پُرکاری بھی ہے، لفظی صناعی بھی، پیکر تراشی کا فن بھی ہے اور حیات و کائنات کے مسائل کا بیان بھی، واقعت نگاری ہو یا قصہ گوئی ، وعظ و نصیحت ہو یا درسِ اخوت و مساوات ، ہر فن میں طاق ہیں ۔اُن کے اشعار معنویت کا گہرا دریا ہیں اور تصوف کی نئی جہتوں کے عکاس۔ اُنھوں نے تصوف کی لگی بندھی راہوں پر چلنے کی بجائے نئے خیالات کو رواج دیا۔زبان کی شستگی اور بیان کی سادگی نے انھیں اپنے دور کے شعرا میں بھی ممتاز رکھااور بعد میں آنے والے شعرا کو بھی متاثر کیا۔

صحبتِ صالح تُرا صالح کُند

صحبتِ طالح تُرا طالح کند

دور شُو از احتلاطِ یارِ بد

یارِ بد بدتر بُوَد از مارِ بد

مار بد تنہا ہمیں بر جان زند

یار بد بر جان و بر ایمان زند

نیک آدمی کی صحبت نیک کرتی ہے اور برے بندے کی صحبت برا بنا دیتی ہے۔بد یار کی صحبت سے دور بھاگو، کیونکہ بَد یار، بَدمار (سانپ) سے بھی خطرناک اور جان لیوا ہے۔ کیونکہ سانپ کے ڈسے ہوئے کو صرف جان کا خطرہ ہے، اور بد یار کے ڈسے ہوئے کو جان کے ساتھ ایمان کا بھی خطرہ ہے۔

Read More