مجھ پہ بھی چشم کرم اے میرے آقا کرنا | Mujh pe bhi chashm e karam with Tazmeen کلام پیر نصیر الدین نصیر

 

کالی کملی میں اس امت کو چھپایا کرنا

ان کی عادت ہے کہ عاصی کو نبھایا کرنا

میں برا ہوں تو کرم سے مجھے اچھا کرنا

مجھ پہ بھی چشم کرم اے میرے آقا کرنا

حق تو میرا بھی ہے رحمت کا تقاضا کرنا

 

میں سوالی ہوں میرے حق میں اشارہ دینا

میں بھنور میں ہوں میرے شاہ کنارہ دینا

میں ہوں بے چین مجھے چین خدارا دینا

میں ہوں بے کس تیرا شیوہ ہے سہارا دینا

میں ہوں بیمار تیرا کام ہے اچھا کرنا

 

 

سارے عالم کو ملا فیض جو تیرے گھر سے

یہ ہے وہ ابر کرم سب پہ برابر برسے

کیوں گدا تیرا کسی چیز کی خاطر ترسے

تو کسی کو بھی اٹھاتا نہیں اپنے در سے

کہ تیری شان کے شایاں نہیں ایسا کرنا

 

میں نہیں کہتا مجھے کم یا زیادہ دے دے

جتنا اچھا لگے تجھ کو مجھے اتنا دے دے

اے کریم آل کا تیری مجھے صدقہ دے دے

میں کہ ذرہ ہوں مجھے وسعت صحرا دے دے

کہ تیرے بس میں قطرے کو بھی دریا کرنا

 

جن رحمت ہے کثیر ان کی نظر پڑ ہی گئی

جن کے در کا ہوں فقیر ان کی نظر پڑ ہی گئی

کیوں مدثر ہو حقیر ان کی نظر پڑ ہی گئی

مجھ پہ محشر میں نصیر ان کی نظر پڑ ہی گئی

کہنے والے اسے کہتے ہیں خدا کا کرنا