لفظ میں آپﷺ کے شایان کہاں سے لاؤں | lafz men aap k shayan kahan se laaon lyrics

 

لفظ میں آپﷺ کے شایان کہاں سے لاؤں

نعت کہنے کا میں عرفان کہاں سے لاؤں

 

لوگ کہتے ہیں کروں آپﷺ کی مدحت آقا

میں بھلا لہجہ ءِیزدان  کہاں سے لاؤں

 

آپﷺ کی نعت تو لکھتا ہوں مگر سوچتا ہوں

میں بھلا دوسرا قرآن کہاں سے لاؤں

 

دل تو کہتا ہے لکھوں آپ ﷺکی تعریف مگر

میں ابو طالب کا قلمدان کہاں سے لاؤں

 

آپﷺ کی آل کی پہچان نہیں دنیا کو

دیدہ ءِ بو ذر و سلمان کہاں سے لاؤں

 

آپ ﷺکے حکم کو جو حکم خدا مانتے ہیں

آج میں ایسے مسلمان کہاں سے لاؤں

 

آج بھی آتی ہے توحید کے پردے سے صدا

مصطفے ﷺسا کوئی مہمان کہاں سے لاؤں

 

تیرے کہنے سے جو عمرا ن کا انکار کروں

پھر محمد ﷺکا نکاح خوان  کہاں سے لاؤں

 

کھو گیا عشق محمدﷺ میں بڑی دیر ہوئی

اپنا دل ڈھونڈ کے رحانؔ  کہاں سے لاؤں