مدینہ چھوڑ آئے اپنی دنیا چھوڑ آئے ہیں | Madnia chor aay hen lyrics | ابھی تک دل وہیں پر ہے | abhi tak dil wohen par he

 

مدینہ چھوڑ آئے اپنی دنیا چھوڑ آئے ہیں

ہمارے پاس جتنا تھا اثاثہ چھوڑ آئے ہیں

 

خدا کا گھر بھی چھوٹا ہے نبی آستانہ بھی

لگا ہے دوہراغم مکہ مدینہ چھوڑ آئے ہیں

 

ابھی تک دل وہیں پر ہے ابھی تک جاں وہیں پر ہے

دل و جاں کو وہاں روتا بلکتا چھوڑ آئے ہیں

 

ریاض الجنہ وہ منبر سے گھر تک سارا ہی گوشہ

جہانِ خلد کا وہ حسن سارا چھوڑ آئے ہیں

 

ہوا ہے ختم ویزہ اب کف افسوس ملتے ہیں

سنہری جالیوں کا نور سارا چھوڑ آئے ہیں

 

خدا جانے وہ کیسی نور اور کرنوں کی بستی تھی

اندھیرا ہےے یہاں پر ہم اجالا چھوڑ آئے ہیں

 

ابھی تک یاد آتی ہے مزار حمزہ کی رونق

بھلا کیوں سد الشہدا کا خطہ چھوڑ آئے ہیں

 

مدینے کے در ودیوار سب رستےمہکتے ہیں

ذرا سا عطر لے کر مشک نافہ چھوڑ آئے ہیں

 

جہاں سے ساری دنای میں اجاگر فیض جاری ہے

بقیع پاک میں زہرا کا روضہ چھوڑ آئے ہیں