تکڑی وچ ناں تولی سائیاں :: میں تاں کَکھو ہولی سائیاں

1/26/21

تکڑی وچ ناں تولی سائیاں

میں تاں کَکھو ہولی سائیاں

عشق بازارای اُچے سودے

ساڈی سستی بولی سائیاں

ُلک جاون فر داغ نمانے

رنگدے میری چولی سائیاں

من کوڑھے دا کوڑھ تو کَجی

ناں اندر تُو پھولی سائیاں

تک تک راہاں ھار گئی میں

بھیج دے میری ڈولی سائیاں

رکھ آئی میں راہاں اچ اکھیاں

بھر نیناں دی جھولی سائیاں

Please Give Us Good Feed Back So that we can do more better for man kind. Your Comments are precious for US. Thank You

1/26/21