تیری اک چشم رحمت سے تیرا بیمار بہتر ہے | ہزاروں طبی نسخوں سے نگاہِ یار بہتر ہے | teri ik chaxhm e rahmat with lyrics

 

تیری اک چشم رحمت سے تیرا بیمار بہتر ہے

ہزاروں طبی نسخوں سے نگاہِ یار بہتر ہے

 

جگہ مل جائے گر پاپوش گاہِ یار میں مجھ کو

خوشا یہ مسندِ طاؤس سے صد بار بہتر ہے

 

دیا ہے حسنِ کل نے حسن ایسا تیری صورت کو

دیدِ حسنِ یوسف سے تیرا دیدار بہتر ہے

حبیبِ کبریا کے عشق کو دل میں مکیں کر لے

مقدر عالمیں میں گر  تجھے درکار بہترہے

مقام و مرتبہ ساری خدائی میں میرے آقا

تیرا اِس پار بہتر ہے تیرا اُس پار بہتر ہے

 

شہنشاہی سے بڑھ  کر ہے تیری پاپوش برداری

سکند ر سے تیرا اک خادمِ دربار بہتر ہے

 

میرے آقا سے خوشبو خلد کی یوں عرض کرتی ہے

ہر اک خوشبو سے تیرے جسم کی مہکار بہتر ہے

 

کھلا اہے ایکم مثلی سے یہ عقدہ ندیم اختر

ہر اک بہتر سے ذاتِ حق کا وہ شاہکار بہتر ہے