جہڑے دل وچ رکھدے نے ارمان مدینے دے
بن جاندے کدی نا کدی مہمان مدینے دے
دل پھڑ کے میں بہ جانا جی بھر کے میں رو لینا
جد راہی مینوں چھڈ کے ٹر جان مدینے دے
سنیا اے مدینے تے جدوں دوروں نظر پیندی
دل کر دا اے ہو جائیے قربان مدینے دے
مولا تیرا شکر کراں اک وار جے کر دیویں
پیدا اس کملے لئی سامان مدینے دے
اک وار زیارت جو کر آئے نے روضے دی
ساری عمر نئیں دے سکدے احسان مدینے دے
میرے دل وچ بن جاوے تصویر مدینے دی
یا خواب مینوں آقا نت آن مدینے دے
انداز اوہ رک جاوے شالا حشر توڑی ویلا
جدوں خواب اچ آجاون سلطان مدینے دے
اللہ اکبر سبحان اللہ کیا ہی کیفیت بھرا کلام
ReplyDelete