یکجہتی کے نام پر افتراق؟ اہلِ سنت کے لیے لمحۂ فکریہ

تحریک لبیک کے احتجاج اور اہلِ سنت کا کردار: اعترافات، سوالات اور حقیقتیں

سب علمائے اہل سنت میری آنکھوں کا تاج ہیں ، میں ان کی قدر کرتاہوں ، الحمد للہ میرے دل میں کسی سنی عالم دین کا بغض اور نفرت نہیں ہے سب اپنے اپنے دائرے میں اسلام کے سفیر ہیں اور کام کر رہے ہیں۔

کچھ شکوے کچھ گلے ۔۔۔

جرات آموز میری تاب ِ سخن ہے مجھ کو

شکوہ اللہ سے خاکم بدہن ہے مجھ کو

اے خدا شکوہ اربابِ وفا بھی سن لے

خوگر حمد سے تھوڑا سا گلہ بھی سن لے

آپ کا دعوی ہے !!!

یکجہتی کے لیے احتجاج کا اعلان پہلے کیا گیا۔

میرا ماننا اور اعتراف ہے!!!!

بات درست ہے۔

آپ کا دعوی ہے!!!

معاہدہ امن بعد میں ہوا

 میرا ماننا اور اعتراف ہے!!!

بات درست ہے

آپ کا دعوی ہے!!!

دو دن پہلے حملہ کر دیا گیا  یعنی معاہدہ سے پہلے ہی ۔

 میرا ماننا اور اعتراف ہے !!!

 بات درست ہے ۔۔ زیادتی ہوئی

آپ کا دعوی ہے!!!

معاہدہ  چاہے ہوگیا ہے ہم ضرور جائیں گے باوجود حکومتی انتباہ اور سختی کے ۔

میرا ماننا اور اعتراف ہے !!!

کیوں ضرور جانا ہے؟ کوئی اسلامی دلیل؟ کیا آپ کی دلیل کو سب مسلمان اس طرح دیکھ رہے ہیں جس طرح آپ مطلب نکال رہے ہیں؟؟؟؟؟

آپ کا دعوی ہے !!!

حکومت نے اٹیک کیا قتل و غارت کیا اور غیر آئینی کام کیا ظلم و ستم کے پہاڑ توڑ دیے ۔

 میرا ماننا اور اعتراف ہے !!!

 بات درست ہے ۔ زیادتی ہوئی

آپ کا دعوی ہے !!!

ساری دنیا میں احتجاج اور ریلیاں نکل رہی ہیں ہمیں کیوں نہیں جانے دیا جا رہا ۔

 میرا ماننا اور اعتراف ہے !!!

 بات درست ہے۔ ۔روکنا غلط ہے

میرا عتراض اور سوال ہے !!!

اس سب کے ہوتے ہوئے آپ دیگر مسلمان اور بالخصوص سنی اکابرین کو برا بھلا کیوں کہہ رہے ؟

 کیا آپ ان اکابرین کا مشورہ اور رائے کو اپناتے ہیں ؟ کیا آپ ان اکابرین کو اپنی کرسی پر جگہ دینے اور ان کی رائے کے مطابق اپنا لائحہ تیار کرنے کے لیے تیار ہیں ؟؟؟؟

حقائق کیا ہیں سنیں، دل تھام کے

آپ کی جماعت اپنی ہے

آپ کا وژن (نظریہ) اپنا ہے

آپ کی رائے اپنی ہے

آپ اپنے مستقبل کی منصوبہ بندی خود کرتے ہیں

آپ اپنے اعلانات خود کرتے ہیں

آپ کا غلط صحیح کا نظریہ اپنا ہے

آپ اپنے سیاہ و سپید کے مالک اور ذمہ دار خود ہیں

آپ کسی بھی ایسے  دوسرے کو(جو آپ کی رائے اور نظریے سے اختلاف کرتا ہے) ماننے کو تیار ہی نہیں ہیں

آپ کی حکمت عملی اپنی ہے

آپ کے راہنما اپنے ہیں آپ کے ماننے والے اپنے ہیں

آپ کا جھنڈا ، سلوگن (نعرہ) ،تحریک کا نام ،جماعت کی تمام تر علامات ، اپنی ہیں

جو آپ سے اختلاف کرے اسے گمراہ کہنے میں دیر نہیں لگاتے

جو اختلاف کرے اس سے جماعت (پارٹی) الگ کرنے میں دیر نہیں لگاتے

 

اپنی تمام تر سیاسی تحریکات پر اس طرح کے رد عمل پر دوسرے علما ئے کرام جو ہماری آنکھوں کا تاج ہیں اس طرح طعن نہیں کرنا چاہیے ، یاد رکھیں نہ آپ امام حسین علیہ السلام ہیں اور نہ آپ کربلا میں گئے ہیں، لہذا اپنی اپنی تحریکات کو کربلا سے نہ جوڑا کریں ۔سب علما ئے کرام فلسفہ امام عالی مقام اور کربلا کو سمجھتے ہیں اور اس دور کے حالات پر بھی نظر رکھتے ہیں۔

دل میں نفرت ، بغض ، کینہ اور حسد کی آگ لگا کر دوسروں سے اس طرح کی امید نہیں رکھنی چاہیے

یاد رکھنے والی بات

جس طرح آپ اپنے طریقے سے کام کر رہے ہیں

آپ کا اپنا نظریہ ہے

دین اسلام سے متعلق آپ کی سمجھ بوجھ (understandings) اپنی ہیں

بلکل اسی طرح دوسروں نے بھی اسلام پڑھ رکھا ہے اور اسلام کی روح کو بھی سمجھتے ہیں ۔

 

میرا ایک سوال ہے ۔۔۔۔۔۔ اسلام کہتا ہے کہ جب جابر اور ظالم حکمران آپ کو حج سے روکے تو آپ گناہ گار نہیں ہیں حج کے لیے نہ جائیں ، دل میں حسر ت اور درد ضرور رکھیں ۔

تو کیا یہ یکجہتی کے اظہار کے لیے احتجاج کرنا حج سے بھی بڑا ضروری کام ہو گیا تھا؟؟؟؟؟؟

چہ جائے کہ آپ نے اعلان کر دیا تھا اس کے باجود آپ کو رک جانا چاہیے تھا، کیوں کہ آپ کا اپنا دعوی ہے کہ آپ کا کارکن آپ کے اشارے کا انتظار کرتا ہے تو یہی اشارہ کر دیتے کہ ظالم حکمران نے ہمیں روک رکھا ہے لہذا ہم نہیں جائیں گے ، آپ کیوں گئے ؟ ۔۔۔ کیا صرف سیاسی ساکھ کے لیے گئے تھے ؟؟؟

 

باتیں کڑوی ہیں لیکن مجھے بھی دکھ ہیں کون کون سے ؟؟؟؟؟؟؟؟؟

آپ کے کارکن علما کو اس حادثے کے بعد گالیاں دینے لگے ہیں  

یزید اور کوفیوں  سے نسبت جوڑنے لگے ہیں

سجدے میں گر گئے جب وقت قیام آیا  ۔۔۔۔ یہ آوازے کسنے لگے ہیں (جب کہ یہ وقت ِقیام آپ کی سیاسی نا اندیشی کا شاخسانہ ہے)

آپ نے کب کتنا دوسرے مسلمانوں (بالخصوص سنی جماعتوں اور تحریکات) کے لیے کام کیا ہے؟

 

بہت سے ایسے در دہیں جو کہتے ہیں ہمیں روزنِ سینہ سے نکال لیکن کبھی حالات موزوں نہیں ہوتے کبھی خود میں ہمت نہیں ہوتی۔۔۔