رکھ کے لب اسم محمد پہ اٹھاتا بھی نہ تھا rakh k lab ism e Muhammad pe wiht lyrics

 

رکھ کے لب اسم محمد پہ اٹھاتا بھی نہ تھا

جب مجھے نام نبی ٹھیک سےآتا بھی نہ تھا

 

آپ پہلے ہی معافی اسے دے دیتے تھے

منتیں کر کے منانا جسے آتا بھی نہ تھا

 

تھام لیتا تھا کوئی وقتِ ملاقات جو ہاتھ

کیسا آقا تھا کبھی ہاتھ چھڑاتا بھی نہ تھا

 

آپ ہی آپ اترتے تھے ملائک کے ہجوم

وہ عجب شاہ تھا دربار سجاتا بھی نہ تھا

 

آپ اس کی بھی سنا کرتے تھے پہروں باتیں

وہ جسے پاس کوئی اپنے بٹھاتا بھی نہ تھا

 

آپ کاندھوں پہ نواسے لیے چل پڑتے تھے

گود میں جب کوئی بچوں کو اٹھاتا بھی نہ تھا