عیاں اُتنی ہی اُس پر ذات
ہوگی
کسی کی جس قدر اوقات ہوگی
دھڑکتے دِل کی رُکنے تک ہمیشہ
دِگرگوُں صورت ِ حالات
ہوگی
حقیت میں جو ہوگا حشر کا دن
وہ اِک نصف النّہاری رات ہوگی
مسلسل خواب کی تعبیر کیا
ہو؟
تمہارے جاگنے پر بات ہوگی
یونہی بھوکا پڑا مرجاؤنگا میں
نہیں لونگا اگر خیرات ہوگی
یہ آنسو بھاپ ہوتی ہے
لہوکی
جہاں گرمی بڑھی برسات ہوگی
وزیروں، شہسواروں، کاہنوں کی
پیادہ چل پڑا تو مات ہوگی
ادریس آزاد
0 comments:
Post a Comment
Please Give Us Good Feed Back So that we can do more better for man kind. Your Comments are precious for US. Thank You