قیامت اچانک قائم ہو گی

حضرت ابوہریرہ ؓ سے مروی ہے رسول اللہ ﷺ نے ارشاد فرمایا!

قیامت ا س وقت تک قائم نہیں ہو گی جب تک سورج مغرب سے نہ نکلے گا۔ جب سورج مغرب سے نکلے گا اور لوگ دیکھ لیں گے اور سب ایمان لے آئیں گے۔ یہی وہ وقت ہو گا جب کسی کے لیے اس کا ایمان نفع نہیں دے گا۔ جو اس سے پہلے ایمان نہیں لایا ہو گا یا جس نے ایمان کے بعد نیک عمل نہیں کیا ہو گا۔ پس قیامت آ جائے گی اور دو آدمی کپڑا درمیان میں (خرید و فروخت کیلیے) پھیلائے ہوں گے ابھی خرید و فروخت  مکمل نہیں ہوئی ہو گی اور نہ انہوں نے اسے لپیٹا ہی ہو گا کہ قیامت قائم ہو جائے گی۔ اور قیامت اس حال میں قائم ہو جائے گی کہ ایک شخص اپنی اونٹنی کا دودھ لے کر آ رہا ہو گا اور اسے پی بھی نہیں سکے گا اور قیامت اس حال میں قائم ہو جائے گی کہ ایک شخص اپنا حوض تیار کرا رہا ہو گا اور اس کا پانی بھی نہیں پی پائے گا۔ قیامت اس حال میں قائم ہو جائے  گی کہ ایک شخص اپنا لقمہ اپنے منہ کی طرف  اٹھائے گا اور اسے کھا بھی نہیں پایا ہو گا۔

بخاری شریف حدیث نمبر 6506