دنیا کو یاد آج بھی جرأت علی کی ہے

دنیا کو یاد آج بھی  جرأت علی کی ہے

جس کا نہیں جواب وہ ہمت علی کی ہے

آئی جو حق کا کام وہ طاقت علی کی ہے

لرزاں ہےجس سے کفر وہ قوت علی کی ہے

کیا  امتزاج رخ پہ ہے رعب و جمال و کا

حق ہے کہ بے مثال وجاہے علی کی ہے

بدر و احد حنین ہو یا کوئی جنگ ہو

اپنی ہی مثل آپ  شجاعت علی کی ہے

چودہ سو سال ہو گئے دورِ علی کو آج

لیکن دلوں پہ آج بھی ہیبت علی کی ہے

قول نبی کہ مجھ سے علی میں علی سے ہوں

قلبِ رسولِ پاک میں عظمت علی کی ہے

پیارے نبی کے خلد میں بھی بھائی ہیں علی

کتنی نبی پاک کو چاہت علی کی ہے