دیا گیا ہے جو کردار وہ نبھانا ہے | Dia gia hai jo kirdar wo nibhana hai lyrics

 

دیا گیا ہے جو کردار وہ نبھانا ہے

یہ زندگی تو بہت مختصر فسانہ ہے

 

تو  آگیا تو مکمل ہوا  میرا ہونا

تیرا زمین پہ آنا تو اک بہانہ ہے

 

یہ لوگ کس لیے چمٹے ہوئے ہیں دنیا سے

پتہ بھی ہے کہ سبھی کو یہاں سے جانا ہے

 

تجھے تو تازہ لہو کی تلاش ہے شاید

اسے نہ چھیڑ کہ یہ زخم تو پرانا ہے

 

کوئی بھی انگلی اٹھانے تجھے نہیں دے گا

میاں یہ تیرا نہیں ہے میرا زمانہ ہے

 

کوئی چرا کے نہ لے جائے ڈر سا رہتا ہے

تو مشکلوں سے کمایا ہوا خزانہ ہے

 

میں جس مقام پہ ہوں مستقل نہیں مظہر

میری جگہ پہ کسی اور نے بھی آنا ہے