آیا نبیاں دا پیر ، پیر انوکھڑا | aya nabian da peer , peer anokhra ~ The National Duty

10/10/22

آیا نبیاں دا پیر ، پیر انوکھڑا

غیبُ الغیب دے دیسیوں آیا

ایھتے آ کے روپ وٹایا

خالِق دی تصویر ، میں صدقے جاواں

پیر انوکھڑا ، آیا نبیاں دا پیر

غُوث قُطب سب اودے بندے

جبرائیلؑ جئے چاکری کردے

کون فریدؒ فقیر میں صدقے جاواں

پیر انوکھڑا آیا نبیاںؑ دا پیر

مکھ سوہنا صورت نورانی

دو جگ دے وچ کوئی نا ثانی

نور و ای نور سریر ، میں صدقے جاواں

پیر انوکھڑا ، آیا نبیاں دا پیر

اوس شمع دے سب پروانے

سارے اوسے دے دیوانے

کی رانجھا کی ہیر ، میں صدقے جاواں

پیر انوکھڑا ، آیا نبیاں دا پیر

دیو مبارک ساریاں سکھیاں

نال سوہنے دے لڑ گیاں اکھیاں

بدل گئی تقدیر میں صدقے جاواں

پیر انوکھڑا آیا نبیاںؑ دا پیر

سوہنا ظہوریؔ جے کرم کماوے

میں تتڑی نوں فیر بلاوے

جاواں گی ندیاں چیر ، سوہنے دے ولے

پیر انوکھڑا ، آیا نبیاں دا پیر

آیا نبیاں دا پیر

10/10/22