آنکھوں کو انتظار کا دے کے ہنر چلا گیا

آنکھوں کو انتظار کا دے کے ہنر چلا گیا

چاہا تھا اک شخص کو جانے کدھر چلا گیا

دن کی وہ محفلیں گئیں راتوں کے رت جگے گئے

کوئی سمیٹ کے میرے شام و سحر چلا گیا

جھونکا ہے اک بہار کا رنگِ خیال ِ یار بھی

ہر سو بکھر بکھر گئی خوشبو جدھر چلا گیا

اسی کے ہی دم سے دل میں آج دھوپ بھی ہے چاندنی بھی

دے کے اپنی یاد کے شمس و قمر چلا گیا

کوچہ بہ کوچہ در بہ در کب سے بھٹک رہا ہے دل

ہم کو بلا کے راہ وہ اپنی ڈگر چلا گیا