منقبت سیدنا امام حسن سلام اللہ علیہ | مرتضیٰ کے پسر فاطمہ کے جگر| Murtaza ke pisar Fatima ke jigar

مرتضیٰ کے پسر فاطمہ کے جگر اے امام زمن تیری کیا بات ہے

مصطفے نے کہا تجھ کو اپنا بدن مصطفے کے بدن تیری کیا بات ہے

تیری مادرسی مادر کسی کی نہیں تیرے نانا سا نانا کسی کا نہیں

 تیرے بھائی سا بھائی کسی کا نہیں تیرے بابا سا بابا کسی کا نہیں

امن عامہ کا تجھ کو پیمبر کہیں میرے مولا حسن تیری کیا بات ہے

جیسے قرآن زمانے میں لا ریب ہے تو بھی ایسے زمانے میں لاریب ہے

 مصطفے مرتضی سیدہ فاطمہ وہ بھی بے عیب ہیں تو بھی بے عیب ہے

تیری صلح میں مضمر ہے حق کی فتح ابن خیبرشکن تیری کیا بات ہے

 تیری تخلیق مخلوق سے ہے جدا تو طہارت کی جھولی میں نازل ہوا

گلشن فاطمہ میں تجھے دیکھ کر حوروغلماں اور قدسیوں نے کہا

 کہ با ب زہرا میں تجھ سے بہار آ گئی اے بہار چمن تیری کیا بات ہے