ہر دل میں اجالا ہے عثمان غنی تیرا | Manqabat Usman Ghani رضی اللہ عنہ

 ہر دل میں اجالا ہے عثمان غنی تیرا

کیا نام دوبالا ہے عثمان غنی تیرا

 

آنکھوں میں حیا تیری سینوں میں وفا تیری

ہر سر پہ دو شالا ہے عثمان غنی تیرا

 

بازار محبت میں جب مال غنا آیا

کیا دام نرالا ہے عثمان غنی تیرا

 

پھر کون بگاڑ سکے جب شاہ دو عالم نے

ہر کام سنبھالا ہے عثمان غنی تیرا

 

محبوب کے صدقے سے ہر جذبہ ایمانی

دیکھا اور بھالا ہے عثمان غنی تیرا

 

جنت بھی چمک اٹھی انوار عنائیت سے

رخ رحمتوں والا ہے عثمان غنی تیرا