جانے اس دل کا کیا ہوگا | ہم نہ باز آئیں گے محبت سے | ham na baaz aaen ge lyrics

جانے اس دل کا کیا ہو گا

تیرا وعدہ اگر وفا ہو گا

 

ہم نہ باز آئیں گے محبت سے

جان جائے گی اور کیا ہو گا

 

حشر میں میرا حشر کیا ہو گا

تیری جانب اگر خدا ہو گا

 

بے سبب تو نہیں تڑپ دل کی

تیرے رخ سے نقاب اٹھا ہو گا

 

تیری بیداد میری خاموشی

حشر میں اس کا فیصلہ ہو گا

 

تیرا غم یہ سمجھ کے سہتا ہوں

میری قسمت ہی میں لکھا ہو گا

 

تیری مہندی میں اتنا رنگ کہاں

خونِ عاشق ملا ہوا ہو گا

 

ان کے در کا ہے یہ نشان عالم

در پہ میلہ سا اک لگا ہو گا